Ministr öner adamdarynyŋ ūstaluyna qatysty pıkır bıldırdı, dep habarlaidy "Adyrna" ūlttyq portaly.
Mädeniet jäne aqparat ministrı Aida Balaeva ūstalǧan öner adamdaryna qatysty jaǧdailarǧa pıkır bıldırdı.
"Qoǧamdy qaryştap ösıretın de, tūqyrtyp öşıretın de - mädeniet. Mädeniet tek öner men bılım, ozat talǧam pen tazalyq emes. Būl, eŋ aldymen, adamnyŋ ışkı ruhaniiaty, halyqtyŋ örkeniettık bolmysy. Endeşe, sol mädeniettıŋ tuyn köterıp, önerdıŋ tasyn örge domalatyp jürgen ärbır maitalman - elge ülgı, qoǧamǧa baǧdar boluy şart. Ökınışke orai, soŋǧy kezde mädeniet salasyndaǧy belgılı azamattarǧa qatysty jaǧymsyz oqiǧalar, keide tıptı zaŋsyz äreketter jiılep kettı. Ärine, jeke dara adam retınde, qarapaiym azamat retınde kımge bolsa da pendeşılık tän qasiet. Adam bolǧan soŋ qatelesuıŋ mümkın, bıraq onyŋ arty zaŋdy attauǧa barmauy tiıs. Özın naǧyz "mädeniet qairatkerımın" deitın jan üşın tanymaldyq zaŋsyzdyqqa jol beretın qūdyret emes. Olar qaşan da ūlt mädenietı damuynyŋ qozǧauşy küşı sanalady. Sondyqtan olardyŋ köpke yqpaly tek önege, nasihat, jaqsylyqqa arqau boluy tiıs. Mädeniet qairatkerlerı Zaŋ men Ūrpaq aldyndaǧy osynau ülken jauapkerşılıgın tüsınuı kerek. Būl memleket basşysynyŋ barşa qazaqstandyqtardan talap etıp otyrǧan bıregei ündeuı. Lauazymyna, tanymaldylyǧyna, qoǧamdaǧy ornyna qaramastan, zaŋ bärıne ortaq. Al memleket osy qaǧidanyŋ mültıksız oryndaluyn qamtamasyz etetın bolady", - dedı ministr Facebook jelısındegı paraqşasynda.
Ūqsas jaŋalyqtar
