Mädeniet jäne aqparat ministrı Aida Balaeva Quandyq Bişımbaevtyŋ ısıne qatysty pıkır bıldırdı, dep habarlaidy «Adyrna» tılşısı.
Ol Tengrinews.kz-ke bergen sūhbatynda Qazaqstandaǧy media naryqtyŋ «tyiym salynbaǧannyŋ bärıne rūqsat» qaǧidasy boiynşa jūmys ısteitının aitty.
«Elımızde senzuraǧa tyiym salynady, al media oiynşylar köbıne «tyiym salynbaǧannyŋ bärıne rūqsat etıledı» qaǧidaty boiynşa jūmys ısteidı. Jaqynda jurnalistık etikaǧa arnalǧan döŋgelek üstel ötkızdık jäne sol jerde jurnalistıŋ etikasy öz-özın qadaǧalau şegınde boluy kerek degen qorytyndyǧa keldık. Körıp otyrǧanymyzdai, özın-özı qadaǧalau degen närse köbıne jūmys ıstemeidı. Bız mehanizmderdı tüsınemız jäne Bişımbaev ısınde bügın bolyp jatqan media nauqannyŋ qalpyn körıp otyrmyz. Ökınışke qarai, terıs müddenı basşylyqqa ala otyryp, barlyq qabyldanǧan jalpyadamzattyq norma men qaǧidaǧa qaişy, ötırık ärı qoǧamdyq sanany manipuliasiialaumen ainalysatyn adamdar qoǧamnan şettetıledı. Öitkenı qoǧam aqymaq emes»,—dedı ministr.
Aita keteiık, Būrynǧy Ūlttyq ekonomika ministrı Quandyq Bişımbaevqa ekı bap boiynşa aiyp taǧylyp otyr:
- Qazaqstan Respublikasy Qylmystyq kodeksınıŋ 99-baby, 2-bölıgı, 5-tarmaǧy – "Asa qatygezdıkpen jasalǧan adam öltıru, zaŋsyz qasaqana böten adamnyŋ ölımıne äkep soǧu";
- Qazaqstan Respublikasy Qylmystyq kodeksınıŋ 110-baby, 2-bölıgı, 1-tarmaǧy – "Kınälıge materialdyq jaǧynan täueldı adamǧa jasalǧan jüielı türde ūryp-soǧu nemese özge de küş qoldanu äreketterı arqyly dene jäne psihikalyq zardap keltıru".
