Ǧylym jäne joǧary bılım ministrlıgı 2025-2026 oqu jylyna arnalǧan memlekettık bılım beru granttary iegerlerınıŋ tızımın jariialady, dep habarlaidy «Adyrna» tılşısı.
Prezident Qasym-Jomart Toqaevtyŋ tapsyrmasyna säikes, ekonomikanyŋ basym salalary üşın joǧary bılıktı kadrlardy daiarlau maqsatynda bılım beru granttarynyŋ jalpy sanynyŋ 60%-y injenerlık jäne tehnikalyq baǧyttar boiynşa bölıngen.
Konkurs qorytyndysy boiynşa memlekettık bılım beru tapsyrysy 99%-ǧa igerılgen.
«Biyl «Serpın» baǧdarlamasy halyq tyǧyz qonystanǧan öŋırlerdıŋ jastary arasynda ülken qyzyǧuşylyq tudyrdy. Konkurs nätijesı boiynşa 2 myŋnan astam grant iegerı Qazaqstannyŋ soltüstık, şyǧys jäne ortalyq öŋırlerındegı aldyŋǧy qatarly joǧary oqu oryndarynda bılım alatyn bolady.
2025 jylǧy memlekettık bılım beru granttaryn taǧaiyndau konkursyna 113 myŋǧa juyq ötınış qabyldandy, būl ötken jylmen salystyrǧanda 9 myŋǧa köp»,—delıngen habarlamada.
Grant nätijelerın QR Ǧylym jäne joǧary bılım ministrlıgınıŋ resmi aqparattyq közderınen https://www.gov.kz/memleket/entities/sci?lang=kk, https://t.me/gylym_jogary_bilim, sondai-aq Ūlttyq testıleu ortalyǧynyŋ resmi saitynan www.testcenter.kz bıluge bolady.
Memlekettık bılım beru granty turaly kuälık üş jūmys künı ışınde QR ǦJBM Ūlttyq testıleu ortalyǧynyŋ https://grant.testcenter.kz saitynda qoljetımdı bolady.
Aita keteiık, joǧary oqu oryndaryna qūjattardy tapsyru 25 tamyzǧa deiın (qosa alǧanda) jüzege asyrylady.
