Aqtöbede 19 jasar studenttıŋ denesı köpır astynan tabyldy, dep habarlaidy "Adyrna" tılşısı QazAqparatqa sılteme jasap.
Osydan bırneşe kün būryn Aqtöbe qalasynda 2004 jyly tuǧan jıgıtke ızdeu jariialanyp, erıktıler habarlama taratqan bolatyn. Student 13-qyrküiek künı saǧat 17:00 şamasynda üiınen şyǧyp ketıp, qaita oralmaǧan. Keiın studenttıŋ denesı tabyldy.
«14-qyrküiek künı saǧat 19:30-da Zarechnyi auylynyŋ qasyndaǧy köpırdıŋ astynan, «Iýrta» meiramhanasynyŋ janynan 19 jastaǧy jıgıttıŋ mäiıtı tabyldy. Oqiǧa ornyna jedel-tergeu toby şyqty. Qylmystyq kodekstıŋ «Özın-özı öltıruge deiın jetkızu» baby boiynşa sotqa deiıngı tergeu bastaldy. Sebepterı anyqtalyp jatyr. Saraptama taǧaiyndaldy»,- dep habarlady oblystyq Polisiia departamentı baspasöz qyzmetınıŋ jetekşısı Erbolat Sarqūlov.
Qaitys bolǧan student Q.Jūbanov atyndaǧy Aqtöbe öŋırlık universitetınde oqityny belgılı boldy.
«Jūbanov universitetı dünieden ozǧan studenttıŋ ata-anasyna jäne jaqyndaryna qaiǧyryp köŋıl aitady. Studenttıŋ aty-jönı onyŋ otbasyna degen qūrmet pen jeke derekterın saqtap qalu üşın jariialanbady. Ol jarqyn jüzdı, bolaşaǧynan ümıt küttıretın studentterdıŋ bırı edı. Sabaq ülgerımı jaqsy, belsendı studentterdıŋ qatarynda boldy. Būl – bärımız üşın de orny tolmas qaiǧyly jaǧdai. Qalalyq polisiia departamentınde atalǧan jaǧdai boiynşa tergeu ıs-şaralary jürıp jatyr. Universitet tarapynan bılım aluşynyŋ otbasyna barynşa qoldau körsetıledı»,- dep habarlady universitettıŋ baspasöz qyzmetı.
Ūqsas jaŋalyqtar
