Oral qalasynda «Aq bidai» VIII oblystyq auyl sporty oiyndarynyŋ saltanatty aşyluy öttı. Jarysqa Batys Qazaqstan oblysynyŋ barlyq audandarynan kelgen sportşylar qatysuda.
Atalǧan şaranyŋ maqsaty – auyldyq jerlerde būqaralyq sportty damytu, tūrǧyndar arasynda salauatty ömır saltyn qalyptastyru jäne ūlttyq sport türlerın keŋınen nasihattau.
Saltanatty aşylu räsımıne oblys äkımı Nariman Töreǧaliev qatysyp, qatysuşylarǧa sättılık tılep, auyl sportynyŋ damuyna memleket tarapynan tūraqty qoldau körsetılıp otyrǧanyn atap öttı.
«Burabaida ötken Ūlttyq qūryltaidyŋ 4-şı otyrysynda Prezidentımız Qasym-Jomart Kemelūly Toqaev: «Sportty nasihattau, ony äsırese balalar men jasöspırımder arasynda därıpteu – ūlt saulyǧynyŋ kepılı. Soŋǧy jyldary memleket qoldauynyŋ nätijesınde balalar sporty qarqyndy dami bastady» dep sporttyŋ damuyna basa nazar audarǧan bolatyn. Osy oraida öŋırımızde sporttyŋ damuyna jan-jaqty jaǧdai jasalyp keledı. 2024 jylǧa deiın oblysymyzdyŋ barlyq audan ortalyqtary zamanaui dene şynyqtyru-sauyqtyru keşenderımen qamtamasyz etıldı. Sonymen qatar, Memleket basşysynyŋ öŋırge jūmys sapary barysynda bergen tapsyrmasyna säikes ötken jyly Oral qalasynda - «Jaiyq Arena» köp funksionaldy sport keşenı el igılıgıne berıldı. Endıgı kezekte oblystyŋ ırı auyldary 14 sport nysandarymen qamtylatyn bolady», – dedı aimaq basşysy.
Spartakiada baǧdarlamasyna qazaq küresı, voleibol, kökpar, asyq atu, sadaq atu, toǧyzqūmalaq jäne özge de sport türlerı engızılgen. Jalpy sany 1000-nan astam sportşy qatyspaq.
«Aq bidai» auyl sporty oiyndary 9 tamyzǧa deiın jalǧasady. Jeŋımpazdar komandalyq jäne jekelei esepte anyqtalatyn bolady. Şarany ūiymdastyruşylar – oblystyq dene şynyqtyru jäne sport basqarmasy men audan äkımdıkterı.
«Aq bidai» auyl sporty oiyndary Batys Qazaqstan oblysynda 2010 jyldan berı ötkızılıp keledı. Jarys būqaralyq jäne ūlttyq sport türlerın damytuǧa, sondai-aq öŋırışılık yntymaqtastyqty nyǧaituǧa baǧyttalǧan.
Jalpy bügınde oblysta dene şynyqtyru jäne sportpen tūraqty şūǧyldanuşylardyŋ jalpy sany 286 myŋ adamdy, ol oblys halqynyŋ 41,2 % qūraidy. 2029 jyly deiın būl körsetkıştı 50%-ǧa jetkızu josparlanyp otyr. Būl maqsatta oblys kölemınde 1563 sporttyq qūrylym jūmys ısteidı.
