Özbekstannyŋ Ändıjan oblysy, Marhamat audanyndaǧy №42 mektep direktory mūǧalımderdı synyptardy jöndeu men tazalau jūmystaryna qatystyrǧany üşın qyzmetınen bosatyldy, dep habarlaidy "Adyrna" ūlttyq portaly Ferǧana saityna sılteme jasap.
2 tamyzda äleumettık jelılerde mūǧalımderdıŋ mektepte jöndeu jäne tazalyq jūmystaryn jasap jatqan sätı beinelengen video taraǧan. Resmi mälımet boiynşa, būl künı mektepte senbılık ūiymdastyrylǧan. Mūǧalımderdıŋ aituynşa, olar şaraǧa erıktı türde qatysqan. Alaida bılım basqarmasy pedagogtardy öz mındetıne kırmeitın jūmysqa tartu zaŋsyz dep tanyp, direktorǧa şara qoldandy.
Sonymen qatar, Özbekstannyŋ eŋbek ministrlıgı de būl jaǧdaidy tekserıp, mūǧalımderge qysym körsetılgenın anyqtaǧan. Sonyŋ nätijesınde direktorǧa 100 ailyq eseptık körsetkış ( $3200-den astam) kölemınde aiyppūl salyndy.
Basqarma mälımetınşe, №42 mektep 1982 jyly salynǧan. 2005 jyly kürdelı jöndeuden ötken. Soŋǧy jyldary mektepke biudjet esebınen 2022 jyly 1,2 mlrd sum (şamamen $94 myŋ) jäne 2023 jyly 1,3 mlrd sum ($102 myŋ) kölemınde qarjy bölıngen.
