Óskemendegi mektepterdiń birinde muǵalimderge belgilengen jalaqydan 50 paıyzǵa tómen jalaqy alǵan. Keıbirine tipti 5 teńge ǵana aýdarylǵan. Bul týraly "Habar 24" telearnasy jarııalady, dep habarlaıdy "Adyrna" ulttyq portaly.
Telearnanyń málimetinshe, esepti oqý ornynyń esepshisi júrgizgen. Tekserý barysynda buryn 20 mıllıon teńgege deıin artyq tólem jasalǵandyqtan, qyzmetkerlerdiń laýazymdyq jalaqylarynan qomaqty soma ustalǵany belgili boldy.
Qalalyq bilim bóliminiń ekonomısteri muǵalimder jalaqysyna egjeı-tegjeıli qaıta esepteýler júrgizip, janjaldy sottyń aralasýynsyz sheshýge ýáde berip otyr.
"5 teńge aýdarǵandaryna tańǵaldym. Basshylyqqa júgindim. Olar aýdarmaǵanyn, bir qatelik bolǵanyn aıtty", - dedi bastaýysh synyp muǵalimi Olga Shmıdt.
Eńbek departamenti mamandarynyń aıtýynsha, bul bıýdjet qarajaty, kez kelgen jaǵdaıda óz erkimen jalaqysynan ustap qalýǵa ruqsat berýi kerek.
"Árıne, barlyq somany ustamaıdy. 50 paıyzǵa deıin ustaýǵa bolady, bolmasa sot arqyly sheshiledi", - dedi Óskemen qalalyq bilim bóliminiń basshysy Sáýle Alagýzova.
"Adyrna" ulttyq portaly
