Litvada premer-ministr Gintautas Paluskas basqaratyn 19-şy ministrler kabinetı otstavkaǧa kettı. Būl şeşım 4 tamyz künı ötken ükımet otyrysynda resmi türde jariialandy, dep habarlaidy «Adyrna» tılşısı.
Paluskastyŋ özı qyzmetın toqtatu turaly şeşım qabyldaǧan. Ol būǧan deiın otbasyna körsetılıp jatqan qysym jaǧdaiynda jūmysyn jalǧastyru mümkın emestıgın mälımdegen bolatyn.
«Menı jūmysyma emes, ötken ömırıme bola aiyptap jatyr. Koalisiia men ükımettı būl janjaldardyŋ tūtqynyna ainaldyrǧym kelmeidı»,—dep tüsındırdı Paluskas.
Ol būl lauazymǧa bailanyp qalmaǧanyn aityp, ärıptesterıne bırlesken jūmysy üşın alǧysyn bıldırdı.
Daǧdarysqa premerdıŋ biznesıne qatysty qarjylyq zaŋbūzuşylyqtar turaly tergeuler sebep bolǧan. Olardyŋ ışınde jeŋıldetılgen nesieler men jyljymaityn mülıkke qatysty mämıleler bar. Bırpartiialyq serıkterınıŋ qoldauyna qaramastan, Litva prezidentı Gitanas Nausedanyŋ ultimatumynan keiın Paluskasqa qysym küşeie tüsken.
Ministrler kabinetın qarjy ministrı Rimantas Şadjius uaqytşa basqaratyn boldy. Prezident 15 kün ışınde premer-ministrlıkke jaŋa kandidat ūsynuy tiıs, al ony seim bekıtedı.
