Pavlodarda anasy terezeden laqtyryp jıbergen bır jarym jastaǧy bala 1 tamyz künı keşke auruhanada köz jūmdy. Būl aqparatty Pavlodar oblysyndaǧy bala qūqyqtary jönındegı uäkıl Saule Şakenova Instagram paraqşasynda rastady, dep habarlaidy "Adyrna" ūlttyq portaly.
"Ökınışke qarai, därıgerler qoldan kelgennıŋ bärın jasaǧanymen, balanyŋ jüregı toqtap qaldy", – dep jazdy uäkıl.
Pavlodar oblystyq balalar auruhanasy da aqparatty joqqa şyǧarmady. Mamandar ekı kün boiy säbidıŋ ömırı üşın küresken. Auruhana mälımetınşe, 2024 jyly tuǧan balanyŋ jaǧdaiy öte auyr ärı tūraqsyz bolǧan. 1 tamyz künı saǧat 20:10-da jüregı toqtap, saǧat 20:40-ta ölım tırkelgen.
Būǧan deiın balanyŋ klinikalyq ölım jaǧdaiynda auruhanaǧa jetkızılgenı habarlanǧan edı. Därıgerler jürek soǧysyn qaita qalpyna keltırgenımen, ışkı qan ketudıŋ saldarynan onyŋ sol jaq büiregın alyp tastauǧa tura kelgen. Otadan keiın de jüregı taǧy da toqtap, därıgerler qaita tırıltken edı.
Polisiia deregınşe, oqiǧa 30 şılde künı bolǧan. Aldyn ala derekter boiynşa, 34 jastaǧy äiel ekı balasyn besınşı qabattyŋ terezesınen laqtyryp, artynan özı de sekırıp ketken. Polisiia departamentınıŋ mälımetınşe, zardap şekkender podezdıŋ qalqalaǧyşyna qūlaǧan. Äieldıŋ psihikalyq densaulyǧyna bailanysty arnaiy medisinalyq mekemede esepte tūrǧany anyqtalǧan.
Jetı jastaǧy ekınşı bala aman qalyp, qazır oŋalyp keledı. 31 şılde künı ol travmatologiia bölımıne auystyrylǧan.
Qazırgı uaqytta oqiǧaǧa bailanysty tergeu amaldary jürgızılude.
