Úsh balaly áıel burynǵy kúıeýiniń úıden qýǵanyn aıtty, dep habarlaıdy "Adyrna" ulttyq portaly.
Eks-ákim Murat Áıteneovtiń aǵasy Marat Áıtenovti áıeli zorlyq-zombylyq jasady dep aıyptaǵan. Dana Áteshova kúıeýiniń balalaryna tórt bólmeli úıdi qaldyratynyn, biraq sharty bar ekenin aıtqanyn málimdedi.
"Joǵarǵy sot ádil sheshim shyǵarýy kerek. Óıtkeni búkil alıment óndirý isi ádil sheshildi. Áıtenov maǵan balalaryna tórt bólmeli úı qaldyratynyn, biraq sharty bar ekenin jetkizdi. Ol úıdi bizdiń atymyzǵa rásimdeıtinin, biraq onyń ornyna basqa nárse berýim kerekgin aıtty. Aıtýynsha, men jazǵanymnyń bárin óshirip, odan keshirim suraýym kerek eken. Men eshqashan ótirik aıtqan emespin. Eger ótirik aıtsam, meni jala japty dep sotqa berýi múmkin. Ol bar kúshin salyp meni úıden qýyp shyqpaqshy", – dedi áıel.
Áteshovanyń sózinshe, bul úı Marat Áıtenovtiń jalǵyz baspanasy emes.
"Bul 600 sharshy metrlik úı. Úıdi ıemdenýge meniń quqyǵym joq. Bul úıdi balalarǵa qaldyrǵanyn qalaımyn. Sebebi olar osy úıge úırenip qaldy", – dedi Dana Áteshova.
Shymkent qalasynyń eks-meri Murat Áıtenovtyń aǵasynyń burynǵy áıeli Dana Áteshova zorlyq-zombylyqqa ushyraǵanyn birneshe ret málimdegen.
2023 jyldyń 17 sáýirinde elordada Joǵarǵy sot ǵımaratynyń aldynda bir áıel pıketke shyqqan bolatyn. Anyqtalǵandaı, áıel adam - Dana Áteshova.
