Elimizde turmystyq zorlyq-zombylyqqa qatysty zańǵa qarsy petıııa jarııalanǵan. QR Bala quqyqtary jónindegi ýákil Dınara Zákıeva tumystyq zorlyq-zombylyqqa qatysty zańǵa qarsy onlaın petıııa avtorlarynyń sózin joqqa shyǵardy, dep habarlaıdy "Adyrna" ulttyq portaly.
Ýákil Dınara Zákıeva óz sózinde Facebook jelisindegi paraqshasynda jarııalady. Ýákildiń sózinshe, petıııa avtorynyń negizgi ıdeıasy — bul zań tárbıe proesin qylmystyq jaýapkershilikke tartady, balalardy tartyp alýdyń qarapaıym mehanızmin engizedi jáne azamattardyń jeke isine aralasý quqyǵyna ıe qurylym quraıdy.
«Bul múldem ótirik! Bul zańda balalardy tartyp alý týraly birde-bir norma joq. Osy zań arqyly el Prezıdenti Qasym-Jomart Toqaev qoǵamda zorlyq-zombylyqqa jol bermeý mádenıetin damytý, adamdy, onyń ishinde balany uryp-soǵýǵa jol bermeıtin, zańdylyq pen tártip aldyńǵy qatarda bolatyn qoǵam qurý mindetin qoıdy», — dedi Zákıeva.
Zakıeva zańǵa qarsy shyqqandardy daǵdarys ortalyǵynda nemese otbasyn qoldaý ortalyǵynda erikti bolýǵa shaqyrdy.
«Elimizdiń 220 eldi mekenin aralap shyqtyq. Áýeli bul zańnyń qajet emestigin alǵa tartpas buryn, avtorlarǵa da sol jolmen júrip ótýdi usynamyn. Bárimiz de qalam terbep, sóz saptaı alamyz. Alaıda sońǵy nátıje tek naqty is-áreket, soǵan jasalǵan qadam men kúndelikti jumys arqyly ǵana kórinedi. Qaýipsiz qoǵamda ǵana damı alatyn eldiń amandyǵy týraly bárimiz aıtyp júrmiz. Eldiń amandyǵy otbasynyń, árbir qoǵam múshesiniń, sonyń ishinde balanyń amandyǵynan turady», - dep jazdy Bala quqyqtary jónindegi ýákil Dınara Zákıeva.
