Búgin, 1 maýsym kúni QR Bala quqyqtary jónindegi ýákil Dınara Zakıeva Qazaqstandaǵy barsha balany jáne el azamattaryn Halyqaralyq balalardy qorǵaý kúnimen quttyqtady, dep habarlaıdy “Adyrna” ulttyq portaly.
Zakıeva bizdiń aqyldy, talantty, úmit artqan balalarymyzben maqtanatynyn jetkizdi.
Elimizdiń betke ustar azamattary bolasyzdar dep senemin. Sizderge shyn júrekten qyzyqty da tanymdy balalyq shaq, baqyt, densaýlyq jáne amandyq tileımin!, - dedi QR Bala quqyqtary jónindegi ýákil.
Budan keıin Dınara Zakıeva barsha ata-anany Halyqaralyq balalardy qorǵaý kúnimen quttyqtap, elimizde biz bul saltanatty kúndi dástúrli túrde mereke retinde atap ótetinimizdi eske saldy.
Balalar elimizdiń eń mańyzdy qundylyǵy! Sonymen qatar, balalardy qorǵaý, olardyń quqyqtaryn qamtamasyz etý jáne qolaıly ómir súrý jaǵdaılaryn jasaý qoǵamnyń ár múshesi úshin basymdyq ekenin bárimiz túsinýimiz kerek! Balalar qaýipsizdigi men ál-aýqaty – ortaq maqsat.Ár balanyń ómiri men qaýipsizdigi eresekterge jáne eń aldymen onyń ata-anasyna baılanysty. Ata-ana retinde balalarymyzdyń taǵdyry úshin birinshi kezekte biz jaýapty ekeninimizdi únemi este ustaýymyz kerek" dedi ol.
Onyń aıtýynsha, bir ókinishtisi, statıstıka balalarǵa qaýiptiń jıi tónetinin kórsetedi.
Kún saıyn úsh bala terezeden qulap, ýlanýdan, jaraqattanýdan, kólik apatynan qaıtys bolyp jatyr. Zorlyq-zombylyqqa qatysty tragedııalardyń kóbin boldyrmaýǵa bolýshy edi, 70% jaǵdaıda aınaladaǵy adamdar ýaqytynda áreket etpedi.Sondyqtan búgin, Balalardy qorǵaý kúni, men, qymbatty ata-analar, eresekter, bárińizdi, balalarǵa sezimtaldyq pen jaýapkershilik tanytýǵa, balalar qorǵaýshysy bolýǵa, olarǵa qıyn jaǵdaıda kómektesýge, balalarǵa qatysty zorlyq-zombylyq pen qatygezdikti boldyrmaýǵa shaqyramyn! Bizdiń balalyq shaqty qorǵaýdyń ulttyq júıesinde biz bıliktiń barlyq tarmaqtarynyń, azamattyq qoǵamnyń, úkimettik emes jáne halyqaralyq uıymdardyń tyǵyz ózara is-qımyly men qoldaýyna senemiz. Bárimiz birge balalarymyzdyń baqytty balalyq shaǵy úshin qajet nárseniń bárin jasaı alatynymyzǵa kámil senemin!,-dep sózin qorytyndylady ýákil.
Posmotret etý pýblıkaııý v Instagram
