Almaty oblysynda tūratyn erlı-zaiypty balalar üiınıŋ būrynǧy tärbielenuşılerın kezektese ūryp-soǧyp, jūmys ısteuge mäjbürlegen. Būl turaly äleumettık jelıde video tarady, dep habarlaidy “Adyrna” ūlttyq portaly.
«Zaman ne bolyp kettı? Balalar üiınıŋ tärbielenuşılerın kım körıngenge beretın bolǧan ba? Osy balalardyŋ memlekettıŋ asyrauşysyna aqşa tölenedı. Olardy eşkım teksermeidı de! Öitkenı joǧary jaqpen bailanysy bar ma eken? Myna balalardy ūryp-soǧyp, jūmysqa jegıp jatyr», - deidı Telegram-arnasyndaǧy video avtory.Jazbada balalar 18 jasqa tolǧanda asyrauşyǧa järdemaqy töleudı toqtatatyny, al ol öz kezegınde olardy üiınen quyp jıberetını aitylǧan. Keiın qamqorşylar balalar üiınen taǧy 3-4 balany alyp ketedı-mıs. Avtor balalardan qai otbasynda tūrǧysy keletının eşkımnıŋ sūrap jatpaitynyn aitady. Almaty oblystyq polisiia departamentınıŋ baspasöz qyzmetı 27 tamyzda Ile audanynyŋ qorǧanşylyq jäne qamqorşylyq organdaryna otbasylyq ülgıdegı balalar üiınıŋ tärbielenuşılerın jiı soqqyǧa jyǧu faktısıne qatysty aqparat tüskenın habarlady.
«Habarlama tüsken bette iuvenaldy polisiia qyzmetkerlerı audan äkımdıgınıŋ mamandarymen bırlesıp, tiıstı tekseru jūmystaryn ūiymdastyrdy. Tärbielenuşıler uaqytşa «Solnyşko» balalar üiıne auystyryldy», - dep tüsındırdı tärtıp saqşylary.Atalǧan dereke qatysty materialdar sotqa joldandy. Erlı-zaiyptynyŋ balalardy qamqorlyqqa aluy nemese ondai qūqyqtan aiyru turaly şeşımdı arnaiy qūrylǧan komissiia qabyldaidy. Videony Telegram arnamyzdan köre alasyz.
”Adyrna” ūlttyq portaly
Ūqsas jaŋalyqtar
“Ne masqara”: Jurnalistke auruhananyŋ mının aityp sūhbat bergen taksi jürgızuşısıne keşırım sūratqan
