Şılde aiynda Abai oblysynda alǧaş ret respublikalyq ASK CAMP jastar forumy öttı.
Forumdy QR Mädeniet jäne aqparat ministrlıgı men Abai oblysynyŋ Jastar saiasaty mäselelerı jönındegı basqarmasynyŋ qoldauymen «Qazaqstan studentter aliansy» respublikalyq jastar qozǧalysy ūiymdastyrdy.
Forumǧa elımızdıŋ barlyq öŋırlerınen 300-ge juyq belsendı studentter, volonterler men jas köşbasşylar qatysty. Formaty jaǧynan erekşe būl şara bılım beru alaŋy ǧana emes, sonymen qatar damudyŋ, motivasiia men erkın pıkır almasudyŋ keŋıstıgıne ainaldy. Negızgı maqsat — jastardyŋ azamattyq sanasyn nyǧaitu, patriottyq qūndylyqtardy därıpteu jäne belsendı ömırlık ūstanymdy qalyptastyru boldy.
Lager stilınde ötken, üş künge sozylǧan forum baǧdarlamasy türlı paidaly sessiialar men treningterge, motivasiialyq kezdesulerge jäne qoǧamdyq maŋyzy bar bastamalarǧa toly boldy. Jastar dästürlı ASK Cup futbol turnirıne, ekologiialyq aksiialarǧa, praktikalyq jattyǧular men komandalyq oiyndarǧa qatysty. Forum künderı mazmūndy ärı mändı öttı: «Elım-ai» demalys ornyndaǧy saltanatty aşyludan bastap, Jidebaidaǧy «Tazalyq jarşysy» eko-aksiiasy jäne marapattau räsımımen aiaqtalǧan jabylu saltanatyna deiın.
Forum aiasynda memlekettık basqaru, bılım beru jäne azamattyq qoǧam salasynda eŋbek etıp jürgen tanymal tūlǧalarmen aşyq dialog alaŋdary ūiymdastyryldy. Spikerler qatarynda:
• Tastemır Aqūlan – QR Mädeniet jäne aqparat ministrlıgı, Jastar jäne otbasy ısterı komitetı basqarmasynyŋ basşysy;
• Oljas Tüsıpbekūly Beisenbaev – Abai oblysy Jastar saiasaty basqarmasynyŋ basşysy m.a.;
• Airat Bazenovich – Alikhan Bokeikhan University prorektory;
• Baqdäulet Bolatūly – Astana qalasy Qoǧamdyq keŋesı janyndaǧy Jastar ısı jönındegı komissiia töraǧasy;
• Elzira Aueshanovna – «Azamattyq Alians» ZTB prezidentı, bala qūqyqtary jönındegı öŋırlık ökıl.
Olar jastarmen öz täjıribelerımen bölısıp, memlekettık qyzmet, bılım beru jäne azamattyq belsendılık turaly maŋyzdy oilarymen bölıstı. Kezdesuler jastardy el ömırıne belsendı aralasuǧa yntalandyryp, jaŋa ideialar men motivasiia berdı.
ASK CAMP forumy «Jas Power» jobasy aiasynda ūiymdastyryldy. Joba azamattyq-patriottyq tärbie men jas köşbasşylardyŋ äleuetın arttyruǧa baǧyttalǧan. 
Forum soŋynda qatysuşylar öŋırlerınde äleumettık jobalardy jüzege asyruǧa qajettı bılım men daǧdylardy meŋgerdı.
