Qaznette Qaraǧandy tūrǧyny Alika Mūhamadievanyŋ jelıde jariialaǧan jazbasyna qatysty ülken dau tudy, dep habarlaidy «Adyrna» tılşısı.
Ol Threads jelısındegı «Qazaqstan nemen tanymal?» degen jazbanyŋ astyna «Mambetami» dep jauap qaldyrǧan.
Odan bölek, qazaq tılınde söileudı talap etetınderdı mazaq etıp, memlekettık tıldı «polukalbitskii dialog» dep kelemejdegen.
Al taǧy bır jazbaǧa «Sender, mūsylmandar, köpşılıgıŋız — naǧyz doŋyzsyŋdar. Därethanada senderden keiın bärı su bolyp jatady. Şarşattyŋdar! Üilerıŋızde otyryŋyzdarşy, müldem syrtqa şyqpai-aq qoiyŋyzdar!» degen.
Qaraǧandylyq arudyŋ būl pıkırlerı köpşılıktıŋ aşu-yzasyn tuǧyzdy. Jelı qoldanuşylary ony ūltaralyq arazdyqty qozdyrǧany üşın jauapqa tartuǧa şaqyryp, üstınen polisiiaǧa aryz jazǧandaryn jetkızdı.
Alika Mūhamadieva Threads-tegı paraqşasyn öşırıp, Instagram jelısınde qazaqstandyqtardan keşırım sūrady.
«Aitqan sözıme qatty ökınemın. Bır tün boiy köz ılmei, sızderdı qanşalyqty renjıtkenımdı oiladym. Qazaqstan – menıŋ tuǧan elım. Dostarym, serıktesterım men ärıptesterımnıŋ arasynda qazaqtar da bar. Men eşkımdı renjıtkım kelgen joq, aitqan sözderım konteksten jūlynyp alynǧan, mūny Stories-te däleldeimın. Qazır tuystarym üşın qorqamyn. Türlı qoqan-loqqy jasalyp jatyr. Barlyq kınä özımnen ekenın tüsındım. Menı keşırıŋızder», — dedı ol.
Keiınnen jurnalist Syrym İtqūlov qaraǧandylyq käsıpkerdıŋ uaqytşa ūstau izoliatoryna qamalǧanyn aitty. Äzırge polisiia departamentı būl oqiǧaǧa qatysty tüsınıkteme bermedı.
Aita keteiık, Qylmystyq kodekstıŋ 174-baby («Äleumettık, ūlttyq, rulyq, näsıldık, taptyq jäne dıni arazdyqty qozdyru») boiynşa aiyppūl salu, bostandyǧyn şekteu nemese jetı jylǧa deiın bas bostandyǧynan aiyru jazasy qarastyrylǧan.
Būǧan deiın Soltüstık Qazaqstan oblysynda 35 jastaǧy jüktı mūǧalım Jansūlu Darhambaeva orys ūltyna tıl tigızgenı üşın ekı jyl bas bostandyǧynan aiyrylǧan edı.
