Qaraǧandy oblysynda TJM qūtqaruşysy Symbat Eşanov qarly boran kezınde körsetken erlıgı üşın “Erlıgı üşın” medalımen marapattaldy, dep habarlaidy “Adyrna” ūlttyq portaly.
Prezident Jarlyǧymen Symbat Eşanov qyzmettık boryşyn adal oryndap, qiyn jaǧdaida batyldyq tanytqany jäne adamdardyŋ ömırın qūtqarǧany üşın marapatqa ie boldy. Ol Qaraǧandy oblysy TJD Osakarov audany Tötenşe jaǧdailar bölımınıŋ №17 ört söndıru avtokölıgınıŋ jürgızuşı-qyzmetkerı bolyp qyzmet etedı.
2025 jyldyŋ 3 qaŋtarynda Almaty-Ekaterinburg tas jolynda Nūra-Qaraǧandy baǧytynda kele jatqan avtobus qar qūrsauynda qalyp qoiǧan. Symbat Eşanov pen onyŋ ärıptesterı dereu kömekke baryp, 30-dan astam jolauşyny, sonyŋ ışınde 5 balany evakuasiialady. Qatty boran men körınbeuşılıkke qaramastan, Symbat Eşanov öz kölıgımen qūtqaruşylarǧa jol körsetıp, qauıpsız qozǧalysty qamtamasyz ettı.
"Qūtqaruşylar oqiǧa ornyna jetkennen keiın jaǧdaidy baǧalap, 30-dan astam jolauşyny, onyŋ ışınde 5 balany evakuasiialauǧa kırıstı. Alaida, aua raiynyŋ naşarlauyna jäne joldyŋ körınbeuıne bailanysty Symbat Eşanov qūtqaruşylarǧa jol körsetıp, kölıktıŋ aldynda jürıp qauıpsız alyp jürudı qamtamasyz ettı”, – delıngen habarlamada.
Ūqsas jaŋalyqtar
