Bügın, 17 şılde künı Astanada Perizat Qairatqa qatysty ötken sot otyrysynda kuäger Tolǧanai Boranqūl jauap berdı, dep habarlaidy «Adyrna» tılşısı.
Ol aiyptaluşymen alǧaş ret 2021 jyly karantin kezınde tanysqanyn mälımdedı. Al 2022 jyldyŋ qyrküiegınen bastap olar tyǧyz aralasa bastaǧan. Kuäger ekınşı aiyptaluşy Ǧaini Alaşbaevamen 2022 jyldyŋ jeltoqsanynda ötken Biz Birgemiz Qazaqstan festivalınde jüzdesken. Sol uaqytta Perizat Qairat qaiyrymdylyq qorynyŋ qūryltaişysy bolǧan.
Tolǧanai olardyŋ qarym-qatynasy tek ıskerlık emes, dostyq sipatta da bolǧanyn atap öttı.
Sot barysynda aiyptau taraby Perizat Qairattyŋ telefonynan alynǧan 2023 jyldyŋ 18 mamyryndaǧy hat almasudy jariia ettı. Onda aiyptaluşy Qazaqstan diplomyn jasatuǧa kömektesudı sūraǧan.
«Ol sızden «Diplom jasatuǧa kömektesetın tanystaryŋ bar ma?» dep sūrady ma?»— dedı prokuror.
Kuäger Tolǧanai Boranqūlova būl habarlamanyŋ özıne kelgenın rastady. Aituynşa, ol ekı jyl būryn jazylǧan.
«Sol uaqytta Perizat bır ministrdıŋ kömekşısı bolyp jūmysqa ornalasyp jattu-au. Ol diplom kerek ekenın aitty. Men ony syrttai oquǧa tüsu nemese jai ǧana diplomdy räsımdetu nietı dep qabyldadym»,—dedı kuäger.
Aiyptaluşy şetelde bılım alǧanyn aityp, qūrbysynan Qazaqstanda diplomdy qalai zaŋdastyruǧa bolatynyn sūraǧanyn jetkızdı.
Tolǧanai Boranqūlov būl sözdı rastap, Perizattyŋ nostrifikasiia räsımı turaly sūraǧanyn mälımdedı.
Būǧan deiın prokuror Madina Orazalina Perizat Qairattyŋ joǧary bılımı joq ekenın aitqan edı.
