Audan äkımderınıŋ sailauy bastalmai jatyp-aq kandidattarǧa qysym jasalǧan. Äsırese, Abai oblysynda erekşe şielenısıp tūr. Äkım lauazymyna ümıtker Aijan Sabyrqyzy Mūqataeva öz mandatyn qalpyna keltıru üşın aitarlyqtai qiyndyqtarǧa kezdesken.
Ol qūjattarynyŋ tüpnūsqalyǧy turaly naqty dälelder keltırıp, advokattyŋ kömegıne jügınuge mäjbür boldy. Kütpegen jaǧdaidyŋ qarjylai şyǧyny bır bölek, sailau nauqanyna da kesırı tidı.
Abai audandyq sailau komissiiasynyŋ 2023 jylǧy 7 qazandaǧy №6 hattamalyq şeşımımen A. Mūqataeva Qazaqstan Respublikasynyŋ Memlekettık qyzmet salasyndaǧy zaŋnamasynyŋ talaptaryna säikes dodaǧa tüsuden şettetıldı. Qajettı eŋbek ötılı men zeinetaqy jazbasynyŋ säikestıgın eskermesten sony ılık etıp bırjaqty şeşım şyǧarǧan bolatyn.
Alaida, keşe (11.10.2023 j. №1094-23-00-4/535 ıs) Semei qalasynyŋ sudiasy M. N. Zavalov kandidat Aijan Sabyrqyzynyŋ äkımşılık talabyn ışınara qanaǧattandyrdy. Sot Abai audandyq sailau komissiiasyn Mūqataevanyŋ qūjattaryn qabyldauǧa jäne sot şeşımı zaŋdy küşıne engennen keiın ony Abai audany äkımınıŋ lauazymyna kandidat retınde tırkeuge mındettedı.
Däl osy sot şeşımı “Ädılettı Qazaqstan” qaǧidattarynyŋ törge ozuynyŋ jarqyn mysaly emes pe?! Kandidattardyŋ qūqyqtary qyzǧyştai qorǧalǧany jäne sailau kezınde zaŋdylyqtyŋ saqtalǧany igı. Sonymen qatar, būl şeşım sot täuelsızdıgınıŋ maŋyzdylyǧyn jäne onyŋ azamattyq qūqyqtar men bostandyqtardy qorǧaudaǧy rölın körsetedı. Öz aldyna derbes bilıgı bar sot organdarynyŋ ädılettılıktı qalpyna keltıruge jäne sailau komissiialary jıbergen qatelıkterdı tüzetuge daiyn ekendıgın körsetedı.
Endı ol özınıŋ sailauǧa qatysu qūqyǧyn jäne basqa kandidattarmen bäsekelestıktı tolyq senımmen jalǧastyra alady.
Aita keteiık, Aijan Mūqataeva - memlekettık qyzmette de, biznes salasynda da mol täjıribesı bar bılıktı kandidat. Ol Ekonomika jäne biudjettık josparlau ministrlıgınde, sondai-aq ekonomikalyq zertteuler institutynda jūmys ıstegen. Sonymen qatar, “Atameken” ŪKP Isker äielder keŋesınıŋ müşesı retınde qoǧamdyq saladaǧy belsendı rölın atap ötuge bolady.
Odan bölek Aijan Mūqataeva Koreia damu institutynyŋ tülegı, būl onyŋ käsıbi ösu men damuǧa degen ūmtylysynyŋ aiǧaǧy ıspettes. Onyŋ sailauǧa qatysuy demokratiialyq prosesterdı damytudaǧy jäne Qazaqstandaǧy ädıldık pen zaŋdylyq qaǧidattaryn saqtaudaǧy maŋyzdy qadam sanalady.
