16 şılde künı Almatyda jaŋadan salynǧan gaz qūbyryna synaq jürgızu kezınde jer astynda gaz jarylyp, ekı adam jaraqat aldy, dep habarlaidy "Adyrna" ūlttyq portaly.
Jarylys sätınde zardap şekkender kölıktıŋ ışınde otyrǧan. Jarylystyŋ qatty küşınen kölık auaǧa ūşyp, audarylyp ketken. Ekı azamat Almatydaǧy Qalalyq ortalyq klinikalyq auruhanaǧa jetkızıldı.
Almaty qalalyq qoǧamdyq densaulyq saqtau basqarmasynyŋ mälımetınşe, tekseru nätijesınde pasientterge «jūmsaq tınderdıŋ soǧyluy» diagnozy qoiylǧan. Olardyŋ jaǧdaiy tūraqty, auruhanaǧa jatqyzudy qajet etpeidı. Zardap şekkender ambulatoriialyq em qabyldaidy.
QazaqGaz Aimaq AQ-nyŋ mälımetınşe, jarylys orta qysymdy jerasty gaz qūbyryna synaq jürgızu kezınde oryn alǧan. Jūmysty merdıger ūiym – «SantehKomplektGrupp» JŞS jürgızıp jatqan. Aldyn ala aqparat boiynşa, aua qospasy syrtqa şyǧyp ketken.
Qazırgı uaqytta oqiǧa ornynda tekseru jūmystary jürgızılıp jatyr. Territoriia qorşauǧa alynyp, tūrǧyndarǧa qauıp joq ekenı habarlandy.
