Abai universitetı Almatynyŋ ırgesınde Agrobiostansiia keşenın resmi türde ıske qosty. Aşyluyna universitet basşylyǧy, professorlyq-oqytuşylar qūramy jäne studentter qatysyp, zamanaui agrobiostansiianyŋ lentasy saltanatty türde qiyldy. Būl jaratylystanu jäne geografiia fakultetınıŋ bılım aluşylaryna zertteu jūmystarymen ainalysyp, täjıribe jasauǧa jasalǧan ülken mümkındık.
Studenterdıŋ teoriialyq bılımın täjıribemen ūştastyruǧa, ǧylymi zertteu jūmystaryn jürgızuge arnalǧan Agrobiostansiia Almaty oblysy Eŋbekşıqazaq audany Jaŋaşar auylynda ornalasqan. 38 gektardan astam aumaqty qamtityn keşen studentterge oqu-täjıribelık sabaqtaryn ötkızuge, ǧylymi jobalardy jüzege asyruǧa jäne jaŋa agrotehnologiialardy synaqtan ötkızuge mümkındık beredı. Zamanaui oqu-zerthanalyq bazada zerthanalar, 60 adamǧa arnalǧan jataqhana, ashana, juynatyn bölmeler, sport alaŋdary men kölık tūraǧy qarastyrylǧan.
«Bügın – universitetımız üşın maŋyzdy tarihi kün. Sebebı, bılım ordamyz taǧy da bır jaŋa nysanmen tolyqty. Būl – universitetımızdıŋ zertteu joǧary oqu ornyna jasalǧan ülken qadam. Agrobiostansiia – teoriia men täjıribenıŋ sintezı. Sondyqtan, mūndai nysannyŋ aşyluy universitetımızdegı ǧylymnyŋ damuyna septıgın tigızedı. Bolaşaqta būl jerde täjıribelık jūmystar, ǧylymi zertteu jūmystary qyzu jüredı dep senemın», – dedı Abai atyndaǧy QazŪPU Basqarma töraǧasy-Rektory Bolat Tılep.
Jaratylystanu jäne geografiia fakultetınde oqityn studentter agrobiostansiiada täjıribelık sabaqtarmen ainalysyp, magistranttar men doktoranttar ǧylymi zertteulerın jürgızedı. Jobalar topyraq pen su resurstaryn tiımdı paidalanu, auyl şaruaşylyǧy daqyldaryn zertteu, biologiia, ekologiia, geografiia sekıldı oqu baǧdarlamalary boiynşa jaŋa tehnologiialardy synau t.b. baǧyttar boiynşa ötkızıledı.
«Bügın Jaratylystanu jäne geografiia fakultetı üşın eŋ quanyşty kün. Bılım aluşylar üşın teoriia men täjıribenı üilestırıp, bılımın tereŋdetıp, ǧylymǧa qyzuǧyşylyǧyn arttyratyn baza paida boldy. İnfraqūrylymdyq ülken bazada studentter men jetekşılerdıŋ ǧylymmen ainalysuyna qolaily jaǧdai jasalǧan. Agrobiostansiianyŋ jūmysyn jandandyryp, ǧylymi-ädıstemelık ortalyqqa ainaldyru bızdıŋ ūjym men studentterdıŋ qolynda dep oilaimyn», – dedı Jaratylystanu jäne geografiia fakultetınıŋ dekany Küläş Kaimuldinova.
Keşen tabiǧi-geografiialyq tūrǧydan qolaily aimaqta ornalasqan. Gidrogeologiialyq zertteuler nätijesınde su ūŋǧymalary qazylyp, egıstık alqaptaryn suaruǧa mümkındık jasalǧan. Abai universitetınıŋ Agrobiostansiiasy oqu-täjıribe bazasy retınde qyzmet etedı jäne studentterdıŋ käsıbi daiyndyǧyn qoldauǧa baǧyttalǧan.
Sonymen qatar, tūsaukeser räsımınde «Taza Qazaqstan» aksiiasynyŋ aiasynda kögaldandyru men ekologiialyq tabiǧi resurstardy baiytu maqsatynda «Ile Alatau» ūlttyq parkı 100 tüp aǧaş köşetın syiǧa tartty. Agrobiostansiianyŋ aşyluynda universitet basşylyǧy men oqytuşy-professorlar jäne studentter aumaqqa jas ösıkderdı otyrǧyzyp, keşen mümkındıgımen jan-jaqty tanysty.
