Memleket basşysy Qasym-Jomart Toqaev «Qazaqstan Respublikasy Qauıpsızdık Keŋesı Apparatynyŋ keibır mäselelerı jäne Qazaqstan Respublikasy Prezidentınıŋ keibır aktılerıne özgerıster men tolyqtyrular engızu turaly» Jarlyqqa qol qoidy. Būl turaly Aqorda jariialady, dep habarlaidy "Adyrna".
Jarlyqqa säikes, Qauıpsızdık Keŋesı men onyŋ Apparaty turaly ereje bekıtılıp, Qazaqstan Respublikasy Qauıpsızdık Keŋesı Töraǧasy orynbasarynyŋ ökılettılıkterı aiqyndaldy.
Qauıpsızdık Keŋesı men onyŋ Apparatyna jahandyq syn-qaterlerge, ışkı ahualdyŋ özektı aspektılerıne jan-jaqty taldau jürgızu mındetı jükteldı.
Qauıpsızdık Keŋesı Töraǧasy orynbasarynyŋ qūzyryna Qauıpsızdık Keŋesı Töraǧasynyŋ aktılerı men tapsyrmalarynyŋ, Qauıpsızdık Keŋesı şeşımderınıŋ, sonyŋ ışınde şūǧyl otyrystarynda qabyldanǧan şeşımderdıŋ mültıksız ärı tolyq oryndaluyn baqylau, sondai-aq ūlttyq qauıpsızdıktı qamtamasyz etu, eldıŋ qorǧanys qabıletın arttyru, zaŋ men tärtıptı saqtau salalaryndaǧy ıs-şaralardy jüzege asyratyn memlekettık organdar men ūiymdardyŋ qyzmetın üilestıru kıredı.
Qauıpsızdık Keŋesı Töraǧasynyŋ orynbasary aqparattyq jäne kiberqauıpsızdık, sonyŋ ışınde jasandy intellektını qoldanu, derbes derekterdı qorǧau, sybailas jemqorlyq pen ekonomikalyq qylmysqa qarsy ıs-qimyl, azamattyq qorǧanys mäselelerımen ainalysady.
Būdan bölek, Qauıpsızdık Keŋesı Töraǧasynyŋ orynbasary joǧaryda atalǧan şaralardy ıske asyratyn memlekettık organdar men ūiymdardyŋ qyzmetın üilestırıp, halyqaralyq bailanys ornatady, sondai-aq Qauıpsızdık Keŋesı Apparatynyŋ qyzmetın ūiymdastyrady.
