Qazaqstannyŋ halyq ärtısı, küişı-kompozitor, dirijer, Halyq Qaharmany Nūrǧisa Tılendievtıŋ ömırlık ūstanymy men adami bolmysy jaily qyzy Dınzuhra Nūrǧisaqyzy jürekjardy pıkırın bıldırdı. Būl turaly ol "Aiqyn" gazetıne sūhbat berdı, dep habarlaidy "Adyrna".
"Äkem öte qarapaiym jan edı. Şyn mänınde, onyŋ qolynda orasan zor mümkındık boldy. Bıraq ol sonyŋ bärın özı üşın emes, özgeler üşın paidalandy", – deidı Dınzuhra.
Onyŋ aituynşa, äkesı ärqaşan ainalasyndaǧy adamdarǧa qamqor bolyp, äsırese üisız-küisız jürgen öner ielerıne qol ūşyn sozuǧa tyrysqan.
"Eger orkestr ūjymyndaǧy bır adamnyŋ baspanasy bolmasa, mındettı türde kömektesuge tyrysatyn. Äkem ömırden ötken soŋ, eseie kele ömır jolymda talai adammen jolyqtym. Olar maǧan: «Bılesız be, men päterge äkeŋızdıŋ arqasynda qol jetkızdım», – dep aityp jatady. Mūndai jandardy älı künge deiın jiı kezdestıremın", – deidı ol.
Nūrǧisa Tılendiev materialdyq qūndylyqtardy eşqaşan biık qoiǧan emes. Tıptı qarapaiym tırşılıktıŋ özın qanaǧat tūtqan jan bolǧan.
"Anam keide «Saiajai alsaq qoi, osyndai zattarymyz bolsa eken» dep aitsa, äkem: «Dariǧa, qajet emes», – deitın. Sebebı äkem üşın materialdyq bailyq eşqaşan basty qūndylyq bolǧan emes", – dep eske alady qyzy.
