Belgılı küişı, sazger Nūrǧisa Tılendievtıŋ jary, aktrisa Dariǧa Tılendieva dünieden ozdy. Būl turaly Qūrmanǧazy atyndaǧy Qazaq ūlttyq halyq aspaptar orkestrınıŋ baspasöz qyzmetı Instagram paraqşasynda jariialady, dep habarlaidy “Adyrna” ūlttyq portaly.
“Qazaqstannyŋ eŋbek sıŋırgen ärtısı, talantty aktrisa, küişı, sazger, Halyq qaharmany Nūrǧisa Tılendievtıŋ jary Dariǧa Tılendievanyŋ ömırden ozuyna bailanysty qaiǧyra köŋıl aitamyz. Dariǧa Tılendieva ūlttyq mädenietımızdıŋ damuyna sübelı üles qosqan körnektı öner iesı. Ol Halyq qaharmany, küişı-kompozitor Nūrǧisa Tılendievtıŋ ömırlık jary ǧana emes, sazgerdıŋ şyǧarmaşylyq mūrasyn saqtap, keiıngı ūrpaqqa jetkızgen tūlǧa boldy. Onyŋ önerı men ruhani mūrasy qazaq halqynyŋ jüregınde mäŋgı saqtalady”, – dep jazdy Qūrmanǧazy orkestrınıŋ ūjymy.
Dariǧa Tılendieva 1946 jyly Almaty oblysy, Köksu audany, būrynǧy Aqtekşe audanynda düniege kelgen. Alǧaş ret "Qazaqfilm" kinostudiiasynda tüsırılgen "Qūlager", sodan keiın "Aq maşina", "Alty jasar Alpamys", "Qoştasqym kelmeidı", "Jambyldyŋ jastyq şaǧy", taǧy basqa körkem filmderınde är türlı rölderdı oryndady. 1993 jyldan "Otyrar sazy" orkestrınde qyzmet ıstedı.
1967 jyldan berı – «Qazaqfilm» kinostudiiasynyŋ aktrisasy (qazırgı – Ş. Aimanov atyndaǧy «Qazaqfilm» AQ) qyzmetın atqardy.
«Trizna» (1974), «Alpamys mektepke barady» (1977), «Jau, toǧyzynşy ūldan qoryq» (1984), «Qoştasqym kelmeidı» (1992), «Jambyl» (1993) jäne taǧy basqa filmderge tüsken. N. Tılendiev atyndaǧy Halyqaralyq qoǧamdyq qordyŋ prezidentı, QR eŋbek sıŋırgen ärtısı (1998) atandy.
Ūqsas jaŋalyqtar
