Qazaqstan Prezidentı Aziiadaǧy özara ıs-qimyl jäne senım şaralary keŋesınıŋ (AÖSŞK) ştab-päterınıŋ aşylu räsımınde Äzerbaijan memleketıne alǧys aitty, dep habarlaidy "Adyrna" ūlttyq portaly.
Prezident elımızde diplomatiia salasynyŋ qyzmetkerlerı men ardagerlerın käsıbi merekelerımen qūttyqtap, qazaq halqynyŋ ǧasyrlar boiy qalyptasqan «dala diplomatiiasy» beibıtşılıktı saqtaudyŋ erekşe ülgısı bolǧanyn atap öttı.
«Babalarymyzdyŋ mämılegerlık dästürınıŋ arqasynda Ūly dalamyzda beibıt ömır saltanat qūrdy. Qūrmet pen syilastyq – qasterlı qūndylyǧymyz. Būl qaǧidalar — Qazaqstannyŋ syrtqy saiasatyndaǧy basty ūstanym», – dedı Memleket basşysy.
Toqaev AÖSŞK ştab-päterınıŋ Astanada aşyluyn tarihi oqiǧa dep baǧalap, būl ūiymnyŋ 30 jyldan berı Aziia elderı arasyndaǧy senım men yntymaqtastyqty nyǧaituǧa yqpal etıp kele jatqanyn aitty.
«Aziianyŋ 90 paiyzyn jäne älem halqynyŋ jartysynan astamyn qamtityn AÖSŞK – qazırgı halyqaralyq qatynastardyŋ maŋyzdy bölıgıne ainaldy. Bız ärdaiym beibıtşılık pen tūraqtylyq tek dialog jäne özara tüsınıstık arqyly ornaidy dep sendık», – dedı Toqaev.
Prezident geosaiasi jaǧdaidyŋ uşyǧuy men halyqaralyq qūqyqtyŋ erejelerınıŋ būzyluy jahandyq tūraqtylyqqa ülken qauıp töndırıp otyrǧanyna toqtaldy. Ol halyqaralyq qūqyq pen BŪŪ Jarǧysyn qataŋ saqtau qajettıgın erekşe atap öttı.
Söz soŋynda Qasym-Jomart Toqaev barlyq AÖSŞK qatysuşylaryna tabys tılep, ūiymnyŋ damuyna eleulı üles qosqan Äzerbaijan memleketıne erekşe rizaşylyǧyn bıldırdı.
«Qazaqstannyŋ senımdı dosy – Äzerbaijan elıne ūiymǧa joǧary deŋgeide töraǧalyq etkenı jäne AÖSŞK-nıŋ damuyna qosqan ülesı üşın alǧys aitamyn», – dedı Memleket basşysy
