London AZAL áýe kompanııasynyń Aqtaý mańynda bolǵan ushaq apatynyń sebepterin zertteýge qoldaý kórsetýge daıyn ekenin málimdedi, dep habarlaıdy "Adyrna" ulttyq portaly Report agenttigine silteme jasap.
Bul týraly Ulybrıtanııanyń syrtqy ister mınıstri Devıd Lemmı Ázerbaıjannyń syrtqy ister mınıstri Djeıhýn Baıramovpen telefon arqyly sóılesý kezinde aıtqan.
Ulybrıtanııa SIM basshysy áýe apaty saldarynan oryn alǵan qaıǵyly jaǵdaıǵa baılanysty taǵy da kóńil aıtyp, Ulybrıtanııanyń bul qaıǵyly oqıǵanyń sebepterin anyqtaýǵa jáne tergeý barysyna qoldaý kórsetýge daıyn ekenin jetkizgen.
Eske sala keteıik, AZAL áýe kompanııasynyń Baký-Groznyı baǵyty boıynsha ushyp bara jatqan jolaýshylar ushaǵy 2024 jyldyń 25 jeltoqsanynda Qazaqstannyń Aqtaý qalasy mańynda apatqa ushyraǵan bolatyn. Ushaq bortyndaǵy 67 adamnyń 38-i qaıtys bolyp, 29-y aman qaldy.
Aldyn ala málimetter boıynsha, ushaq apaty Reseıdiń áýe keńistiginde fızıkalyq jáne tehnıkalyq syrtqy aralasý saldarynan bolǵan.