Resei äskerı senbıge qaraǧan tünı Ukrainadaǧy Odessa qalasyna soqqy jasauşy drondarmen şabuyl jasady, dep habarlaidy "Adyrna" ūlttyq portaly «Ukrainskaia pravda» basylymyna sılteme jasap.
Saldarynan erlı-zaiypty qaza tauyp, 17 adam jaraqat alǧan, olardyŋ üşeuı – balalar.
Odessa oblystyq äskeri äkımşılıgınıŋ basşysy Oleg Kiperdıŋ aituynşa, qūtqaruşylar dron şabuylynan qūlaǧan tūrǧyn üidıŋ üiındısınıŋ astynan qaza tapqan erlı-zaiyptylardyŋ denelerın alyp şyqqan.
Ukraina tötenşe jaǧdailar qyzmetınıŋ deregınşe, reseilık drondar 21 qabatty tūrǧyn üige tiıp, nätijesınde 7, 8 jäne 9-qabattarda ört şyqqan. Adamdar päterlerınde qamalyp qalǧan. Qūtqaruşylar örttı söndırıp qana qoimai, bır mezgılde adamdardy evakuasiialaǧan. Qazır jabyq jäne būǧattalǧan päterlerde ızdestıru-qūtqaru jūmystary jalǧasuda.
Sondai-aq, jarylystar Dnepr qalasynda da tırkeldı. Būǧan deiın qalada jäne oblys aumaǧynda äue dabyly jariialanǧan bolatyn.
Ukraina qaruly küşterı äue küşterınıŋ mälımetınşe, bır tün ışınde Resei äskerı Ukrainaǧa 23 soqqy dronyn jıbergen. Olardyŋ negızgı soqqysy Odessa oblysyna baǧyttalǧan.
