Ukrainanyŋ Kamyşevaha eldı mekenınde mektep ǧimaratyna jasalǧan äue soqqysynan kemınde 26 adam qaza tapty, dep habarlaidy “Adyrna”.
Būl turaly Ukrainanyŋ tötenşe jaǧdailar jönındegı memlekettık qyzmetı habarlady.
Ukraina prezidentı Vladimir Zelenskiidıŋ mälımetınşe, atalǧan mektep ǧimaraty gumanitarlyq kömek taratu üşın paidalanylǧan. Oqiǧa kezınde tūrǧyndar sol jerden qajettı kömektı alyp jatqan.
Zelenskiidıŋ aituynşa, äuelı eldı mekenge bırneşe äue bombasy tastalǧan. Alǧaşqy soqqydan keiın nysanǧa taǧy toǧyz äue bombasy, onyŋ ışınde adamdar panalaǧan orynǧa da soqqy jasalǧan.
Ukrainanyŋ tötenşe jaǧdailar jönındegı memlekettık qyzmetınıŋ soŋǧy deregıne säikes, qaza tapqandar arasynda ekı qūtqaruşy men tört polisei bar. Taǧy bes adam jaraqat alǧan. Olardyŋ ekeuı – qūtqaruşy.
Mekeme habarlauynşa, oqiǧa ornyna qūtqaruşylar men polisiia qyzmetkerlerı jetken kezde qaita şabuyl jasalu qaupı tuyndaǧan. Osyǧan bailanysty olar panalau ornyna ötıp, sol sätte ekınşı äue soqqysy jasalǧan.
Saldarynan mekteptıŋ sport zaly men şaruaşylyq nysany qirap, oqu ǧimaratyna zaqym kelgen. Sonymen qatar ört söndıru-qūtqaru kölıgı joiylǧan.
Zaporoje oblystyq äskeri äkımşılıgı basşysynyŋ mındetın atqaruşy Mihail Semikinnıŋ mälımetınşe, eldı mekennıŋ ortalyǧyna FAB-3000 basqarylatyn äue bombalary tastalǧan. Onyŋ aituynşa, soqqy tūrǧyndar gumanitarlyq kömek alyp jatqan uaqytta jasalǧan. Sondai-aq drondardyŋ şabuylyna bailanysty qūtqaru jūmystary uaqytşa toqtatyluǧa mäjbür bolǧan.
Äzırge Resei tarapy Kamyşevaha eldı mekenıne jasalǧan äue soqqysyna qatysty pıkır bıldırgen joq.
