Bilim jáne ǵylym mınıstri Ashat Aımaǵambetov Qazan qalasynda bolǵan qandy qyrǵynǵa qatysty óz pikirin bildirdi, dep habarlaıdy "Adyrna" ulttyq portaly.
Qazan qalasynyń mektebinde bolǵan terrorlyq akt kezinde qaza tapqandardyń otbasylaryna qaıǵyryp kóńil aıtamyn. Qaıǵyly jaǵdaı eshkimdi beıjaı qaldyrǵan joq, árqaısymyzdyń júregimizge aýyr tıip, zor kúızelispen qabyldadyq. Biz osy qaıǵyly oqıǵalardan sabaq alýymyz kerek. Keshe osy máseleler boıynsha keńes ótkizdim. Osy jaǵdaıǵa taldaý júrgizýdi jáne jaqyn arada balalardyń qaýipsizdigin qamtamasyz etý boıynsha barlyq deńgeılerde qosymsha keshendi sharalar qabyldaýdy tapsyrdym, – dep jazdy mınıstr Facebook paraqshasynda.
Mınıstrdiń aıtýynsha, bul tek qaýipsizdik amaldaryna qatysty emes, oqýshylardyń minez-qulqyna tikeleı qatysty ekenin de basa aıtty.
Psıhologııalyq qyzmetterdiń jumysyna jáne qolaıly jaǵdaılar jasaýǵa nazar aýdarý kerek. Bul – úlken jáne birlesken jumys. Balalar – biz úshin eń qymbat jáne olardyń qaýipsiz bolýyna bar jaǵdaıdy jasaýymyz qajet, – dep sózin sabaqtady Bilim jáne ǵylym mınıstri.
"Adyrna" ulttyq portaly
