Bügın ūlttyŋ kielı mekenı – Ūlytau jerınde dästürlı «Kökmaisa-2025» ūlttyq taǧamdar men salt-dästürler festivalı saltanatty türde aşyldy. Bastauyn 2018 jyly alǧan festival halqymyzdyŋ bai mūrasyn jaŋǧyrtyp, ūmyt bola bastaǧan salt-dästürlerdı qaita tırıltuge, ūlttyq qūndylyqtardy ūlyqtauǧa baǧyttalǧan.
«Kökmaisa-2025» festivalı – ūlttyq bolmysty därıpteitın taǧylymdy mereke ǧana emes, sonymen qatar öŋırlık käsıpkerlık pen turizmdı damytuǧa serpın beretın tiımdı mädeni-köpşılık infraqūrylym bola alady.
Festival «Qymyzmūryndyq» atty teatrlandyrylǧan körınıspen bastalyp, «Joşy» etno-folklorlyq ansamblınıŋ töl tuyndylarymen jalǧasty. Aşylu saltanatynda söz söilegen Ūlytau oblysynyŋ äkımı Dastan Ryspekov jinalǧan jūrtşylyqty merekemen qūttyqtap, ūlttyq ruh pen mädeni mūranyŋ ūrpaq sabaqtastyǧyndaǧy maŋyzyna erekşe toqtaldy.
Festival aiasynda bie bailau, kübı ystau, qymyz aşytu körınısterı köpşılık nazaryna ūsynylyp, arnaiy daiyndalǧan qymyz kelgen qonaqtarǧa tegın taratyldy. Meşkeiler jarysy, qazaq küresı, jılık şaǧu, sadaq atu, naiza laqtyru, asyq atu, qoşqar köteru sekıldı ūlttyq jarystar ūiymdastyryldy. Saiystarda jergılıktı sportşylardan özge, körşıles Qaraǧandy, Qyzylorda, Qostanai oblystarynyŋ sportşylary da baq synady.
Öŋırlık jäne jergılıktı qolöner şeberlerı ūlttyq būiymdardy jasap körsetu arqyly keluşılerge şeberlık sabaqtaryn ötkızdı.
Sonymen qatar, balalarǧa arnalǧan etnooiyn alaŋdary men ūlttyq stildegı attraksiondar qyzyqty ärı tanymdyq formatta ūsynyldy. Ūlttyq kiım ülgılerı men dästürlı tūrmystyq jabdyqtardyŋ körmesı öttı.
Sahnada elımızge tanymal öner ielerı men jergılıktı şyǧarmaşylyq ūjymdar öner körsettı. Olardyŋ qatarynda: Beksūltan Baraqbai, Aqjol Ämırhan, Dılnaz Sūltanbai, «Säken serılerı», «Tandem» duetı, Qaiyrhan Erǧazy, Elmira Däuletbaeva, Dosymjan Taŋatarov, Ūlytau audandyq mädeniet üiınıŋ bi ansamblı, «Altyn Orda» ūlt aspaptar ansamblı, «Kenşıler sazy» folklorlyq ansamblı bar.
Festival soŋynda ötkızılgen ūlttyq sport baiqaulardyŋ jeŋımpazdaryna diplomdar men arnaiy syilyqtar tabystaldy.
«Kökmaisa-2025» – būl salt-dästür men zamanaui mädeniettı bır arnaǧa toǧystyryp, ūlt bolmysynyŋ tereŋ tamyryn sezınuge mümkındık beretın taǧylymdy mereke.
