Memleket basşysy Qasym-Jomart Toqaev jūmysy ūzaqqa sozylyp ketken tört joldy biyldan qaldyrmai paidalanuǧa berudı tapsyrdy, dep habarlaidy “Adyrna” ūlttyq portaly.
Aituynşa, bügınde "Astana-Balqaş-Almaty" tas joly älı künge deiın jöndelıp bıtken joq. Onyŋ qūrylysy 2017 jyldan berı jürıp jatyr.
"Respublikalyq maŋyzy bar "Atyrau-Astrahan", "Aqtöbe-Qandyaǧaş", "Taldyqorǧan-Öskemen" joldarynyŋ jöndelıp jatqanyna 5 jyldan asty. Biyl osy jūmystar bırjola aiaqtaluǧa tiıs", - dedı Toqaev ükımettıŋ keŋeitılgen otyrysynda.
Prezident osy salada qalyptasqan täjıribege de toqtaldy. Respublikalyq maŋyzy bar joldardyŋ tenderın köp jaǧdaida tek şetel kompaniialary ūtyp alady.
"Mūndai jobalarǧa qolynan ıs keletın, tiıstı tehnikamen jabdyqtalǧan öz käsıporyndarymyzdy tartu kerek. Sonymen qatar jol qūrylysyna qajettı tehnikany elımızde şyǧaru joldaryn damytyp, özımızdıŋ daiyn önımdı paidalanu kerek", - dep atap öttı Toqaev.
Sonymen qatar, ol respublikalyq nemese aimaqtyq jol bolsyn, elımızdegı joldyŋ bärı sapaly boluy keregın aitty.
