Memleket basshysy Qasym-Jomart Toqaev jumysy uzaqqa sozylyp ketken tórt joldy bıyldan qaldyrmaı paıdalanýǵa berýdi tapsyrdy, dep habarlaıdy “Adyrna” ulttyq portaly.
Aıtýynsha, búginde "Astana-Balqash-Almaty" tas joly áli kúnge deıin jóndelip bitken joq. Onyń qurylysy 2017 jyldan beri júrip jatyr.
"Respýblıkalyq mańyzy bar "Atyraý-Astrahan", "Aqtóbe-Qandyaǵash", "Taldyqorǵan-Óskemen" joldarynyń jóndelip jatqanyna 5 jyldan asty. Bıyl osy jumystar birjola aıaqtalýǵa tıis", - dedi Toqaev úkimettiń keńeıtilgen otyrysynda.
Prezıdent osy salada qalyptasqan tájirıbege de toqtaldy. Respýblıkalyq mańyzy bar joldardyń tenderin kóp jaǵdaıda tek shetel kompanııalary utyp alady.
"Mundaı jobalarǵa qolynan is keletin, tıisti tehnıkamen jabdyqtalǵan óz kásiporyndarymyzdy tartý kerek. Sonymen qatar jol qurylysyna qajetti tehnıkany elimizde shyǵarý joldaryn damytyp, ózimizdiń daıyn ónimdi paıdalaný kerek", - dep atap ótti Toqaev.
Sonymen qatar, ol respýblıkalyq nemese aımaqtyq jol bolsyn, elimizdegi joldyń bári sapaly bolýy keregin aıtty.
