Qaraǵandy Qoǵamdyq keńesin «jaýlap alǵan» Máslıhat hatshysynyń zańsyz áreketteri esh toqtar emes. Bul jáıtqa qatysty Qaraǵandy oblysynyń belsendileri óz narazylyqtaryn bildirip, el prezıdenti Qasym-Jomart Toqaevqa úndeý tastady, dep habarlaıdy Adyrna.kz ulttyq portalynyń tilshisi.
BÁRI NEDEN BASTALDY?
2022 jylǵy 2 naýryzda Qaraǵandy qalalyq qoǵamdyq keńesiniń úshinshi quramy bekitilip, keńes músheligine 30 adam ótedi. Qalǵan 5 adam rezervte qalady. Alaıda Qoǵamdyq keńes óz jumysyn bastamaı jatyp, demokratııa jáne tańdaý erkindigi turǵysynan birqatar zańbuzýshylyqqa jol beredi.
Qaraǵandy qalalyq máslıhat hatshysy jáne apparat basshysynyń qatysýymen ótken otyrysta 3-shi shaqyrylym múshelerine eshqandaı saılaý jáne daýys berý rásiminsiz aldyn-ala bekitilgen Qoǵamdyq keńes tóraǵasy men onyń orynbasarynyń, sondaı-aq Turaqty komıssııa músheleriniń, onyń tóraǵasy men orynbasarynyń (mundaı laýazym zańnamada kózdelmegen) aty-jónderi jazylǵan otyrys materıalyn taratady. Qalalyq máslıhat Qoǵamdyq keńestiń jekelegen áleýetti múshelerimen aldyn ala áńgime júrgizgendikten, keńestiń kóptegen músheleri bul ádiletsizdikten «habardar» bolyp shyǵady.
Qoǵam belsendileriniń málimdeýinshe, birinshi otyrysta "Qoǵamdyq keńester týraly" QR Zańynyń 13-babynyń 1-tarmaǵy buzyldy. Joǵaryda jazylǵandardyń dáleli retinde búkil otyrys barysynda aýdıo-beıne-fıksaııa júrgizildi.
MÁSLIHAT HATShYSYNYŃ «ARAM OIY» ISKE ASPADY
Jańadan qurylǵan Qoǵamdyq keńes Tóraǵalyǵyna óz adamyn daıyndaǵan Qaraǵandy qalalyq Máslıhat hatshysy Qudaıbergen Beksultanulynyń aram oıy iske aspaı qalady.
Keńes múshesi Naılıa Kaırbekova aldyn-ala bekitilip qoıǵan Bocharov pen birge Qoǵamdyq keńes tóraǵalyǵyna taǵy bir kandıdat retinde Sultan Medeýbaevty usynady. Eki ret daýysqa salynsada Sultan Medeýbaev Qoǵamdyq keńestiń qoldaýyn tabady. Osylaısha halyq ishinen shyqqan janashyr azamat saılaýda jeńiske jetip, Qaraǵandy qalalyq Qoǵamdyq keńes Tóraǵasy bolyp saılanady.
Qoǵam belsendisi Amanjol Orazalınovtyń aıtýynsha, máslıhattan mundaı sheshimdi kútpegen Qaraǵandy qalasynyń ákimi bul «jáısiz» jańalyqty estı sala ornynan turyp, ketip qalady. Bul aldyn-ala josparlaǵan maqsatynyń kúl-talqany shyqqan Qudaıbergen Beksultanulynyń namysyna tıedi. Osylaısha jasy 66-dan asqan gerontokrat ómirinde birinshi ret jeke óziniń aıtqan adamyn qoıa almaı qalyp, saılaýda ádil jeńgen Sultannan ósh alýǵa kirisedi.
«30 JYL ShEShILMEGEN MÁSELELERDI 3 AIDA ShEShKEN KEŃES TÓRAǴASYN QÝYP TYŃADY»
Qaraǵandyda 30 jyl boıy qordalanǵan máselelerdi sheshýge bel býǵan Sultan Medeýbaev Qoǵamdyq keńes tóraǵalyǵyna bel sheship kirisip, qasyna jalyndap turǵan jastardy jınap, az ýaqyt ishinde aýyz toltyryp aıtarlyqtaı nátıje kórsete bastaıdy. Qala boıynsha birqatar kúrdeli máselelerdiń sheshilýine yqpal etip, halyqtyń alǵys batasyna bólenedi. Depýtattardyń tisi batpaǵan ádiletsizdikpen kúresip, Máslıhat hatshysy Beksultanovqa odan ári unamaıdy. Ol qalaı da bolsyn «ádil tóraǵadan» tez qutylýdyń amaldaryn qarastyrady.
«Prezıdıým múshelereniń bári óz adamdary bolǵandyqtan Beksultanov «postanova» jasaıdy da, aldyn-ala daıyndalyp qoıǵan hatpen Qoǵamdyq keńestiń bir múshesi shyǵyp «Medeýbaev óz jumysyn oryndaı almaı jatyr, maǵan onyń istep jatqany unamaıdy» dep Qudaıbergen Beksultanulynyń ázirlep bergen programmasymen bular Medeýbaevqa qarsy daýys beredi de, Sultan Medeýbaevty 3 aıdan keıin tóraǵalyqtan alǵyzyp tastaıdy. Qoǵamdyq keńes tóraǵasynyń mindetin atqarýshy retinde onyń ornyna ózi 66-dan asqan aqsaqal jasy 70-ke kelgen aqsaqal, burynǵy depýtat Jándil Muhtarovty qoıady», - deıdi Marat Qanatuly.
Osylaısha, tóraǵa tizginin ustaǵanyna týra 3 aı tolǵanda Medeýbaev kezekti otyrysta keńestiń jekelegen músheleriniń aýyzsha aryzy boıynsha qarapaıym daýys berý arqyly esh dáleldi sebeptersiz qyzmetinen «alynyp tastaldy».
Qoǵam belsendileriniń habarlaýynsha, sol otyrysta ony jabyq dep jarııalaý týraly sheshim qabyldandy ("Qoǵamdyq keńester týraly" QR Zańynyń 13-babynyń 3-tarmaǵy) jáne sol kezde rezerv tiziminde turǵan adamdardy ("Qoǵamdyq keńester týraly" QR Zańynyń 9-babynyń 9-tarmaǵyn jáne 15 babynyń 3-tarmaǵyn buza otyryp, Qoǵamdyq keńestegi bos oryndarǵa úmitker retinde jibermeý týraly sheshim shyǵardy. Bul sheshim de eshqandaı da talqylaýsyz, esh túsindirýsiz, negizsiz qabyldandy.
«ÓZDERINE KEREK ADAMDARDY KIRGIZE BASTAIDY»
«Daýys berý arqyly rezervte turǵan azamattardyń bárin alyp tastaıdy da, kandıdattardan qaıtadan qujat jınaıdy. Onyń ishinde óziniń azamattyq pozıııasy, jeke kózqarasy qalyptasqan BAQ ókilderi, halyqqa shyn qyzmet etýge laıyq blogerler men jýrnalıster Qoǵamdyq keńeske ótpeı qalady. Iaǵnı olar ózderine kerek emes adamdardy kirgizbeı, ózderine unaıtyn «loıalnyı» adamdardy kirgizedi. Sol kezde Naılıa Kamalovna bastaǵan birqatar keńes músheleri ádiletsizdikke shydamaı Qoǵamdyq keńesten shyǵyp ketedi», - deıdi Marat Qanatuly.
Qoǵam belsendileriniń habarlaýynsha, Keńestegi bos oryndarǵa qosymsha saılaý taǵaıyndalyp, onyń qorytyndysy boıynsha Qoǵamdyq keńeske bes jańa múshe kiredi. Aıta ketý kerek, keńeste birde-bir BAQ ókili joq, ótinish bergen jýrnalıst, blogerlerdiń kandıdatýrasy qabyldanbady. Keńes tóraǵasynyń mindetin atqarýshyny "taǵaıyndaý" da tez jáne Prezıdıým quramynan tys júrgizildi.
Osylaısha Amanjol Orazalınov, Marat Qanatuly bastaǵan birqatar Qaraǵandy oblysynyń belsendileri jergilikti Máslıhat tarapynan «Qoǵamdyq keńester týraly» QR Zańynyń birqatar normalary buzylǵanyna kóz jetkizip, qalalyq Máslıhat hatshysy Qudaıbergen Beksultanulynyń zańsyz áreketterin áshkerelep, óz narazylyqtaryn qala ákimi – Ermaǵanbet Bólekpaevqa, oblys ákimi – Jeńis Qasymbekke, tipti Parlament Májilisiniń tóraǵasy – Erlan Qoshanovqa jetkizgen. Alaıda esh nátıje joq. Olar «túbi ádilettilik ornatamyz» dep QR Prezıdenti Qasym-Jomart Toqaevqa úndeý tastap, bul isti sońyna deıin jetkizýge nıetti.
Amanjol ORAZALINOV, Qaraǵandy oblystyq qoǵamdyq keńes múshesi:
«Osyǵan deıin Mınıstrlikke de, jergilikti aımaqtyq ákimshilikke de bul narazylyǵymyzdy bildirdik. Biraq ta eshqandaı nátıje bolǵan joq. Qurmetti Qasym-Jomart Kemeluly! Sizdiń ózińizge tikeleı shyǵýǵa májbúr bolyp otyrmyz. Osy Qańtar oqıǵasynan keıingi bastaý alǵan reformalardy halyq 30 jyl tosty dep aıtsaq artyq bolmas. Sol reformalardyń eń basty, eń ózekti máselesi - jergilikti ózin-ózi bıleý organdaryn damytý jáne soǵan jan-jaqty halyq arasynan kandıdattardyń shyǵýyn halyq talap etedi. Qańtar oqıǵasynan keıin jańa «Qoǵamdyq keńester» quryldy. Sonyń qataryna kózinde oty, júreginde jalyny bar birqatar jas býyn, belsendiler kirdi. 3 aıdyń ishinde biraz jumystardy istep úlgerdi. Bul jerde eń bir qıyn másele bolyp turǵany... Basynda qaǵazda saılanǵan ózderiniń basshylaryn saılamaı, sol jastardyń ishinen shyqqan baýyrymyzdy saılaýǵa kónbegen. Sol 30 jyl óziniń aıtqanyn istep «Qoǵamdyq keńesterdi» bolsyn, "Máslıhattardy" bolsyn osylaı óziniń adamdarymen tolyqtyrǵan «aǵalarymyz» kedergi jasap, túbinde eshqandaı Zańǵa sáıkes kelmeıtin daýys berip, sol baýyrymyzdy «Qoǵamdyq keńes» basshylyǵynan aldy. Bul jerde bizdiń narazylyǵymyz bir adamnyń basshylyqtan ketkeninde emes...
Olar jalpy Qazaqstan halqynyń jańa reformalarǵa degen talpynysyna balta shaýyp otyr...
30 jyl degen úlken ýaqyt. Sol 30 jylda qanshama ózgerister jasaýǵa bolatyn organdardyń jumys istemeýin 3 aıda sol jastarymyzdyń kórsetkeni árıne olarǵa jaqpady. Qurmetti Qasym-Jomart Kemeluly! Sizdiń bastap jatqan reformalaryńyz osy Astananyń tórinen aspaı jatyr. Naqtyraq aıtsaq, myna jergilikti aımaqtarda «knıazdardan» aspaı jatyr. Qoǵamdyq keńesterdi halyqtan shyqqan kandıdattarmen tolyqtyrý qajet. Bul jasalyp jatqan is qoǵamda narazylyq týdyrady dep sanaımyz. Sebebi naqty qoǵamnyń oıyn bilmeı, ashyqtyqqa balta shaýyp, óz oıyna kelgen ózine unaǵan kandıdattardy kirgizip jatqanyn biz kórip otyrmyz. Osy sebepten biz ózimizdiń narazylyǵymyzdy bildiremiz. Bul tolyǵymen Zańǵa qaıshy! Osyndaı máseleler sheshilmese, bastalǵan reformalar eshqandaı nátıje bermeıdi. 30 jylda oǵan bizdiń kózimiz jetti. Qazir biz osy jerden toqtap qalsaq, keıin bul úlken máselege aınalady. Qaraǵandy qalasynyń, Qaraǵandy oblysynyń barsha qoǵam belsendileri óziniń narazylyǵyn aıtqysy kelip otyr. Bizdiń talaptarymyzdyń sheshilýin suraımyz jáne osyǵan jaýap retinde osy áreketke barǵan sol kisiler óz oryndaryn bosatyp, shyn máninde halyqtyń arasynan shyqqan azamattardyń Qoǵamdyq keńesterge kirýin talap etemiz!
Marat QANATULY, Qaraǵandy oblystyq qoǵamdyq keńes múshesi:
Qurmetti prezıdent Qasym-Jomart Kemeluly! «Jańa Qazaqstan» degennen keıin jańa ózgerister bolýy kerek! Ózgerister bolyp jatyr. Biraq joǵary jaqta elordada ǵana bolyp jatyr. Bergi jaqta bizderde ózgeris joq. Zeınet jasynan asyp ketse de bılikke jabysyp jastarǵa kedergi jasaýda. Jastary 65-ten asady. Ótken joly Parlament spıkeri Erlan Jaqanuly kelgen kezde biz tolyqtaı oblys ákiminiń aldynda osy jaǵdaıdy kótergenbiz. Depýtattyqqa da bir emes eki ret saılaýǵa tústik. Biz eki saılaýdyń da ishine kire almadyq. Búkil depýtattardyń artynan bir ǵana «Máslıhat hatshysy» júgirip júr. Qalǵany kórinbeıdi, tasada qalyp qoıyp jatyr. Óz oılaryn ashyq aıta almaıdy, jetkize almaıdy. Myna «Qoǵamdyq keńestede» týra solaı. Taza ashyq saılaý jolymen saılanǵan jas azamatty 3 aıdan keıin eshqandaı dálelsiz ornynan alyp tastaǵany bárimizge aýyr tıdi. Rasyn aıtsaq, sizdiń joǵarydan istep jatqan isterińizdi kemshilik qylyp kórsetti. Osyndaı ister zııan jasap otyr. Ol jigitti alyp tastap, ornyna mindet atqarýǵa 4-5 ret saılaýǵa túsken, birneshe ret depýtat bolǵan 70-ke jasy kelip qalǵan adamdy qoıdy. Biz sizden osyndaı jasy kelgen azamattardy bılikke jáne mundaı saılaý isterine aralastyrmaýyńyzdy ótinip suraımyz!
Qoǵam belsendileri osy kúnge deıin kózboıaýmen aınalysqan Qoǵamdyq keńesterdiń "halyqqa" ótkenin qalaıdy. Olardyń aıtýynsha, Qańtar oqıǵasynyń nátıjesi retinde Qoǵamdyq keńesterge tek "halyqtyń ókilderi" kirýi kerek.
"Óıtkeni, Qoǵamdyq keńeste qalanyń ary qaraı damý strategııasy, bıýdjet jobasy, ishki granttar, ákimniń granttary talqylanady. "Nege anaǵan berip jatyr, nege mynaǵan berilip jatyr" degen sııaqty suraqtar qoıylady. Sondyqtan olar tek óz adamdaryn jınaıdy. 30 jyl boıy ózine kerek adamdardy ustady. "Zeınetkerlerdi nege zeınetke jibermeısizder? Jastarǵa qııanat jasap jatyr, keshe Sultan baýyrymyzdy alyp tastady" dep Qaraǵandyǵa kezdesýge kelgen Qoshanovqa da bul máseleni aıttyq. Esh ózgeris joq. Nege Qoǵamdyq keńes halyqtyń múddesi úshin emes sheneýnikterdiń múddeleri úshin tańdalýy tıis? Birinshi jáne ekinshi ret ótkizilgen saılaý da biraz azamattardyń narazylyǵyn týdyrǵan bolatyn. Biraq, qalanyń atqarýshy bılik ókilderi tarapynan da, Qoǵamdyq keńestiń ózinen de esh ózgeristi baıqap otyrǵanymyz joq.
"QK burynǵy tóraǵasy qalyptasqan jaǵdaı boıynsha QR AQDM Azamattyq qoǵam isteri komıtetiniń tóraǵasynan jazbasha jaýap aldy. Bul hatta QK keńesi men Prezıdıým músheleriniń zańsyzdyǵyn rastaıtyn barlyq is-áreketteri boıynsha naqty túsindirmeler berilgen. Zańnamany buza otyryp qalyptasqan jáne ashyqtyq pen ádildik qaǵıdattaryna súıenbeıtin Qaraǵandy Qoǵamdyq keńesi taratylyp, BAQ ókilderi men táýelsiz sarapshylardy, sondaı-aq qoǵam qaıratkerlerin tarta otyryp, jańa Qoǵamdyq keńes qurylýy tıis dep sanaımyz. Qaraǵandy qalasynyń belsendi azamattary Sizden joǵaryda baıandalǵan zańnamanyń buzylýyna jáne olardyń saldaryn joıýǵa baılanysty Memlekettik basqarýdyń tıisti jergilikti organdarynyń tulǵalaryna qatysty sharalar qabyldaýdy suraıdy", - dep qoǵam belsendileri kúrmeýi qıyn, sheshýin tappaı turǵan máseleni tek prezıdent sheshe alady dep Toqaevtan qoldaý kútýde...
"Adyrna" ulttyq portaly
