Atyraýdaǵy UQK shekara qyzmetine qarasty №2016 áskerı bóliminde boryshyn ótep jatqan 19 jastaǵy mańǵystaýlyq sarbazdy uryp-soqqan, dep jazady "Adyrna" ulttyq portaly.
"Aq Jaıyq" basylymynyń habarlaýynsha, Medet Amangeldi 11 shilde kúni soqqyǵa jyǵylǵan. Sodan beri qaraı densaýlyǵy kúrt nasharlap ketken. Biraq áskerı bólimdegiler ata-anasyna «Medettiń esi aýysyp, ishine jyn kirgen» dep habarlaǵan.
Medettiń anasy Dına Mergenbaeva ulynyń álsirep qalǵandyqtan sóıleıtin jaǵdaıda emes ekenin aıtyp, «sharshatpashy»dep oǵan suraq qoımaýymyzdy ótindi.
Al ózi bizdiń suraǵymyzǵa uly Medetpen 9 shilde kúni uıaly telefonmen sóıleskende, onyń «Mama, ýaıymdama, meniń jaǵdaıym jaqsy, qyzmetimdi atqaryp júrmin» dep jaýap bergenin jetkizdi. Onyń aıtýynsha, Atyraýǵa soqqydan basynan zaqym alǵan balasynyń densaýlyǵyn tolyq teksertip, oǵan ne bolǵanyn anyqtaý úshin kelip otyr. Ol «balamnyń basyn EEG, MRT-ǵa túsirý úshin kelip turmyn, biraq, bizge ony alyp ketýge ruqsat bermeı otyr» dedi.
Medettiń ákesi Oktıabr Tólemisov áskerı bólimge shaqyrtqan jedel járdem kóliginiń ulyn áketýge asyqpaǵanyn aıtty. Biz áskerı bólimniń aldyna kelgende birneshe mınýt ótken soń áskerıler Medettiń jedel járdem kóligine otyrýyna ruqsat berdi. Onyń qasyna anasy birge otyrdy, al áskerılerdiń birge barýyna týystary qarsy bolyp, kólikke kirgizbedi.
Osy kezde Medettiń ákesi áskerılerden ulynyń soqqy alǵanyna bir apta bolsa da birde-bir ret aýrýhanaǵa nege aparmaǵanyn, basyn MRT-ǵa nege túsirmegenin jáne ózderi túsirtý úshin ruqsat nege bermeı otyrǵanyn surady. Ol «áskerıler dárigerlermen kelisip, shynaıy dıagnozyn jasyrýy múmkin» degen kúdigin ashyq bildirdi.
Al Medettiń ákesiniń inisi Tóre Tólemisov «bir saǵattan asty, áli júrmedi, sebebi, áskerıler ony oblystyq aýrýhanaǵa aparǵysy kelmeı, ózderiniń aýrýhanasyna aparamyz dep, ruqsat bermeı otyr» deıdi:
- Olar óz aýrýhanasynda ózara tanys dárigerlerimen kelisýi múmkin. Áskerde taıaq jegen bala aýyryp, ólip ketse kim jaýap beredi? Qazir jasóspirimder ne úshin áskerge barǵannan qorqady? Mine, osyndaı zańsyzdyqtardan!
Medettiń týystary áskerı polıııanyń tergeý isin ashqanyn Atyraýǵa kelgende bilgen. Tóre Tólemisov áskerı polıııaǵa bara jatqanyn, oǵan Medetti túsirip alǵan eki vıdeony tapsyratynyn aıtty. Medet birinshi vıdeoda ózin kim, qashan, ne úshin urǵanyn aıtqan. Medettiń aıtýynsha, ol basqa sarbazdarmen birge 10 shilde kúni týǵan kúnin atap ótken. Al kelesi kúni túski úziliste ony keńse bólmesine bir aǵa serjant-starshına shaqyryp, osy úshin uryp-soqqan. Biraq Medet týǵan kúnin atap ótetini jaıly aldyn ala eskertip, ruqsat alǵanyn aıtady. Ekinshi vıdeoda Medet 12 shildede tańerteń sanıtarlyq bólimge barǵanyn, 13 shildede tańerteń kólikpen bir kapıtanmen qalaǵa shyǵyp, onyń ózine «ishimde adam bar, jyn bar, sóıleıdi, úshinshi qabat qaýipti sııaqty maǵan, sekirip keteıin dep júrmin degen áńgimeler aıt. Solaı aıtsań, seni meshitke jiberedi» dep aıtqyzǵanyn, sol sebepti «meshitke barý úshin bárin aıtqanyn» aıtady.
"Adyrna" ulttyq portaly
