QR Ulttyq sport túrlerinen burynǵy memlekettik jattyqtyrýshy Ramazan Sáttibaı jýrnalıst Nartaı Aralbaıulyna bergen suhbatynda Ulttyq sport qaýymdastyǵy Bekbolat Tileýhanov basqarǵan kezde ne sebepti quldyrap ketkeni toqtalyp, bylyqtaryn ashyp berdi. Bul týraly "Adyrna" ulttyq portaly jazady.
"Bekbolatty Ulttyq sport qaýymdastyǵyna qolynan jetektep ózim alyp keldim. Ulttyq sportymyz damý kerek dedim. Biraq bul jerde jalǵandyq kóbeıip ketti. Bul jarnama. Ulttyq sport jarystaryn qaýqyldatyp, shýyldatyp, dýyldatyp ótkizemiz. Biraq onyń ar jaǵynda bir keremet nári, tárbıelik máni joq. Sondaı bir el "Oı, shirkin-aı! Mine, bolsa osyndaı bolsyn! Naǵyz qazaqtyń rýhanı dúnıesi tirilip jatyr ǵoı! Mynaý keremet eken" degen nársesi joq. Sol ózimiz sol 15-20 úıimizdi tigip tastap, ýlaǵan-shýlaǵanǵa ári sapyryp, beri sapyryp ótkizemiz. Bekbolatty sol qyzmetke ákelgenime ókindim desem de bolady. Nege deseń... Júdeý, talǵampazdyq joq. Túk joq. Qur ásheıin búgingimen ǵana jarq-jurq etip ótkize salyp, erteńgi kúni ol óshse óshe bersin degendeı...", - deıdi Ramazan Sáttibaı.
Suhbat barysynda Ramazan Sáttibaı Ulttyq sport qaýymdastyǵy Bekbolat Tileýhannyń jeke menshik ǵımaratynda otyratynyn málimdedi.
"Qaýymdastyq degende óziniń jeke menshik ǵımaraty ǵoı. Sol Bekbolattyń ózine qaraıtyn ǵımarattyń ishinde bizdiń qaýymdastyǵymyz otyrady. Qazirgi sportty damytý ortalyǵy ol kisiler de sonda otyrady. Endi bul qaýymdastyqqa aqsha bıýdjetten emes Samuryq-Qazynadan bólindi. Sol qordan jylyna bizge aqsha bólinedi. "Ana jarysqa jetpeı jatyr, myna sportty kóterý kerek" dep aıtam... "Aqsha joq, aqsha joq, aqsha joq ana jerde". Endi Samuryq-Qazynadan bir kórgenimde jylyna biz 1 mlrdtaı aqsha aldyq. Bul ulttyq sportqa degen sumdyq aqsha!", - deıdi jattyqtyrýshy.
Ramazan Sáttibaı Ulttyq sportqa bólingen aqshany sol kezde Qaırat Satybaldy ıemdenip, ózi alyp otyrǵanyna toqtaldy.
"Bekbolat ekeýmiz bir kúni renjistik. Aqsha qaıda? dep. "Aqsha endi Raha ózińiz bilesiz ǵoı, Samuryq-Qazynadan Qaırekeń baryp alady" dedi. Bizdiń pochetnyı prezıdent, qurmetti prezıdentimiz Qaırat Satybaldy alyp ketedi, aqsha sol kiside qalady. Men aıtamyn: "Toqtat, týra bizdiń Ulttyq sportymyzǵa qarap tur ma? Osy bizdiń aqshamyzǵa? Ony jalǵyz men emes estigen. "Bolmaıdy jigitter, mynany aıtý kerek. Qaırat sonda bizdiń Ulttyq sportymyzǵa qarap júr ma sonda?" dedim. "Oı qaıtesiz Raha! Qaıtesiz ony. Nemenege búıtesiz ony" dedi. Men "Toqtat, men oǵan óshpendilikpen, kórealmaýshylyqpen, qyzǵanyshpen, basqa birdenemen emes... Ózin qarash áne, taekvondony qara! Karateny qara! Altynmen aptap, kúmistep qaptap qoıǵan. Eı, men óz jerimde júrip, óz aýylymda júrip ulttyq sportym ne bolyp jatyr? Mynaý qaıyrshy emes, sorlynyń kúıin keship júr ǵoı... Bul sonda qalaı?", - deıdi Ramazan Sáttibaı.
