Jezqazǵan qalasynyń ortalyǵynda apatty úıler kóp. Jol máselesi de máz emes. Ortalyq kóshelerinde aıýdyń apanyndaı shuńqyrlardyń jatýy qalypty jaǵdaı. Bul týraly Suraýy bar ıýtýb arnasy derekti fılm túsirdi, dep habarlaıdy “Adyrna” ulttyq portaly.
Fılmdegi málimetterge súıensek, 1997 jyly Jezqazǵan oblysynyń taratylýyna áli kúnge deıin halyq narazy.
«Bizdiń halyqty tunshyqtyryp tastaǵan. Jezqazǵandy taratý týraly jınalys óte zardaby mol jınalys boldy. Bizdiń aqsaqaldar eki qolyn kóterip, qoldap ala jóneldi. Sol jınalys meniń jadymda qalypty. Jarty saǵatqa da sozylǵan joq. Búkil oblysty qoldan berdi de jiberdi. Bir adam qarsy bolǵan joq. Tipti, qoldap sóılegen aqsaqaldarymyz boldy. Men ol jınalysta bolǵan joqpyn. Biraq halyq ishteı qarsy bolǵan joq. Keıin syrttaı kúnkildegender boldy», - deıdi Qazaqstannyń qurmetti jýrnalısti Bazarbaı Áleýhanuly.
Jýrnalıstiń aıtýynsha, Jezqazǵandy taratqannan keıin qalada eshqandaı damý bolmady.
«Jezqazǵan úkimettiń tarapynan Monoqalalar degen baǵdarlamaǵa ilikken qala. Onda da túk istelgen joq. Sol baıaǵy jartas, bir jartas. Áli de taza sý iship otyrǵan joq, durys sý iship otyrǵan joq. Apat degen sumdyq. Ekologııany buzyp turǵan QazaqMystyń óndiris oryndary. Buǵan úlken aqsha bólinip jatqan joq. Shtrafpen ǵana qutylyp otyr. Al shtraf korporaııa úshin bolmashy nárse», - deıdi ol.
Al Jezqazǵan qalasynyń turǵyndary apatty úıler men jumyssyzdyqtan sharshaǵan.
«30 jyl boıy 30 úı salynǵan joq. Keńes odaǵy kezinde shaǵynaýdandar ǵana kóterilgen. 30 jylda korporaııa bir úı saldy degendi estigen joqpyn. Tek qalalyq ákimdikten sońǵy jyldary paıda bola bastady. Elge jumys ornyn ashý kerek qoı. Tek shahter men metallýrg qana jumys isteý kerek pe? Basqa jumys bolýy kerek qoı. Bizge jumys kerek. Qanshama jastar jumyssyz júr?!», dep kúıindi.
