Temirtaýda aqyly jol boıynda jantúrshigerlik jol apaty boldy, dep habarlaıdy “Adyrna” ulttyq portaly El.kz-ke siltep.
Búgin "Almaty-Ekaterınbýrg" tas jolynda bolǵan jol apatynan eki bala qaza tapty.
Aqparatty alǵashqylardyń biri bolyp jýrnalıst Denıs Denskıdiń jelidegi paraqshasyna salǵan. Onyń jazýynsha Toyota Camry men Chevrolet Nexia avtokólikteri aqyly jol boıynda soqtyǵysqan.
“Chevrolet Nexia kóliginde bolǵan eki bala oqıǵa ornynda qaıtys boldy. Eki kólikte bolǵan 10 jolaýshy túrli dene jaraqatymen aýrýhanaǵa jetkizildi. Jol apaty boıynsha qylmystyq is qozǵaldy. Tıisti saraptamalar taǵaıyndaldy. Qazir tergeý amaldary júrgizilip jatyr. Oqıǵanyń mán-jaıy anyqtalýda”, - dep jazdy avtor.
