Sýdannyń 20 jastaǵy turǵyny Marıam Alsaed Tıırab neke adaldyǵyn buzdy degen aıyppen taspen urý arqyly ólim jazasyna kesilgen. The Guardian málimetteri boıynsha, bul - keıingi 10 jyl ishinde alǵash ret shyǵarylǵan úkim, dep habarlaıdy “Adyrna” ulttyq portaly.
Áıel sotqa shaǵymdanbaq. Basylym málimetinshe, áıelderge tas laqtyrý týraly úkimder ádette Joǵary sotta joıylady.
Ýgandadaǵy Afrıkanyń ádilettilik jáne beıbitshilikti zertteý ortalyǵy (ACJPS) ókili úkimniń ishki jáne halyqaralyq quqyq talaptaryn buzatynyn aıtyp, áıeldi tez arada bosatýǵa shaqyrdy.
Ortalyq ókili áıelge ádil sot júrgizilmegenin jáne jaýap alý kezinde málimdegen aqparaty ózine qarsy qoldanylatynyn aıtylmaǵanyn jetkizdi. Olardyń aıtýynsha, Tıırab zańdy ókildikten bas tartqan.
2020 jyly Omar Ál-Bashırdiń ornyna kelgen Sýdannyń ýaqytsha úkimeti óziniń keıbir qatań qylmystyq zańdary men sharıǵat saıasatyna reformalaryn jarııalaǵan bolatyn. Reformalardyń ishinde tas laqtyrý týraly úkim bolmaǵan, biraq tamyzda el BUU-nyń azaptaýǵa qarsy konvenııasyn ratıfıkaııalaǵan edi. ACJPS ókili tas laqtyrý memleket sankııalaǵan azaptaýdyń bir túri ári eldiń adam quqyqtary jónindegi mindettemelerin buzatynyn aıtty.
Quqyq qorǵaýshy Janna Anrıdiń aıtýynsha, úkim Sýdanda sharıǵat pen jazanyń qatal zańdary áli de qoldanylatynyn kórsetedi.
Buǵan deıin osyndaı oqıǵa 2013 jyly Ońtústik Kordofan shtatynda bolǵan. Biraq úkim joıylǵan.
”Adyrna” ulttyq portaly
