Talıban engizgen jańa zań Aýǵanstandyq áıelderdiń narazylyǵyn týdyrdy. Áıelderdiń kıinýine, daýystap sóıleýine taǵy da basqa quqyqtaryna engizilgen shekteýge qarsylyq bildirgen aýǵan áıelderi jelide chellendj bastap, ándetip narazylyqtaryn aıtýda, dep habarlaıdy "Adyrna" ulttyq portaly The Guardian basylymyna siltep.
Áıelder beınejazbalarynda «Meniń daýysym áýret emes», #Meniń daýysyma tyıym salynǵan emes jáne «Talıbanǵa qarsylyq», "#Talıbanǵa jol joq" degen syndy heshtegter jazyp qaldyrýda. Beınelerdi Aýǵanstanda turatyndar da, óz elinen tys jerde júrgender de túsirip júkteýde. Aýǵanstandyq áıelder beınede ózderiniń eshteńeden qoryqpaıtynyn, ádiletsizdikti quptamaıtyndaryn, áıelder quqyǵynyń buzylyp jatqany týraly ándetip jetkizedi.
«Eshqandaı komanda, eshqandaı júıe jáne eshqandaı erkek aýǵandyq áıeldiń aýzyn jaba almaıdy» deıdi vıdeolardyń birindegi Aýǵanstandyq áıel.
Esterińizge sala keteıik, tamyzdyń sońynda Aýǵanstan bıligi áıeldiń daýysy «áýret» bolyp sanalatyndyqtan jergilikti áıelderge kópshilik aldynda sóıleýge tyıym salǵan bolatyn. BUU bul tyıymdy synǵa alyp, tálipter áıelderdi qoǵamdyq ómirden yǵystyryp, olardy «únsiz kóleńkege» aınaldyrýdy kózdep otyr dep ataǵan edi.
