سۋداننىڭ 20 جاستاعى تۇرعىنى ماريام الساەد تيراب نەكە ادالدىعىن بۇزدى دەگەن ايىپپەن تاسپەن ۇرۋ ارقىلى ءولىم جازاسىنا كەسىلگەن. The Guardian مالىمەتتەرى بويىنشا، بۇل - كەيىنگى 10 جىل ىشىندە العاش رەت شىعارىلعان ۇكىم، دەپ حابارلايدى “ادىرنا” ۇلتتىق پورتالى.
ايەل سوتقا شاعىمدانباق. باسىلىم مالىمەتىنشە، ايەلدەرگە تاس لاقتىرۋ تۋرالى ۇكىمدەر ادەتتە جوعارى سوتتا جويىلادى.
ۋگانداداعى افريكانىڭ ادىلەتتىلىك جانە بەيبىتشىلىكتى زەرتتەۋ ورتالىعى (ACJPS) وكىلى ۇكىمنىڭ ىشكى جانە حالىقارالىق قۇقىق تالاپتارىن بۇزاتىنىن ايتىپ، ايەلدى تەز ارادا بوساتۋعا شاقىردى.
ورتالىق وكىلى ايەلگە ءادىل سوت جۇرگىزىلمەگەنىن جانە جاۋاپ الۋ كەزىندە مالىمدەگەن اقپاراتى وزىنە قارسى قولدانىلاتىنىن ايتىلماعانىن جەتكىزدى. ولاردىڭ ايتۋىنشا، تيراب زاڭدى وكىلدىكتەن باس تارتقان.
2020 جىلى ومار ءال-ءباشيردىڭ ورنىنا كەلگەن سۋداننىڭ ۋاقىتشا ۇكىمەتى ءوزىنىڭ كەيبىر قاتاڭ قىلمىستىق زاڭدارى مەن شاريعات ساياساتىنا رەفورمالارىن جاريالاعان بولاتىن. رەفورمالاردىڭ ىشىندە تاس لاقتىرۋ تۋرالى ۇكىم بولماعان، بىراق تامىزدا ەل بۇۇ-نىڭ ازاپتاۋعا قارسى كونۆەنتسياسىن راتيفيكاتسيالاعان ەدى. ACJPS وكىلى تاس لاقتىرۋ مەملەكەت سانكتسيالاعان ازاپتاۋدىڭ ءبىر ءتۇرى ءارى ەلدىڭ ادام قۇقىقتارى جونىندەگى مىندەتتەمەلەرىن بۇزاتىنىن ايتتى.
قۇقىق قورعاۋشى جاننا ءانريدىڭ ايتۋىنشا، ۇكىم سۋداندا شاريعات پەن جازانىڭ قاتال زاڭدارى ءالى دە قولدانىلاتىنىن كورسەتەدى.
بۇعان دەيىن وسىنداي وقيعا 2013 جىلى وڭتۇستىك كوردوفان شتاتىندا بولعان. بىراق ۇكىم جويىلعان.
”ادىرنا” ۇلتتىق پورتالى
