"Şetelden daiyn sportşylardy satyp aludy doǧaru kerek! Būǧan Zaŋmen tyiym salu kerek!" Būl pıkırdı belgılı ūstaz, tarihşy Ömır Şynybekūly Adyrna.kz tılşısıne bergen sūhbatynda aitty.
"Şetelden daiyn sportşylardy satyp aludy doǧaru kerek! Būǧan Zaŋmen tyiym salu kerek! Solarǧa jūmsalǧan aqşany balalar jäne būqaralyq sportqa jūmsaǧan jön. Mysaly, menıŋ auylymda Töle bi audany, Qasqasu auylynda bır käsıpker ülken sport keşenın salyp, el igılıgıne berdı. Endı sony memleket qarjylandyrmai otyr deidı. Qūr bos tūr. Mıne, jaŋa ketken aqşalardy memleket özımızdıŋ sport keşenderıne qūiyp, türlı seksiialar aşsa, jattyqtyruşylarǧa jalaqy tölese, auyldyŋ balalary baryp, jattyǧatyn edı. Sporttyŋ tür-türın damytuǧa bolatyn edı. Sondyqtan balalarymyzǧa köŋıl bölıp, özımızdı ösıruımız kerek. Voleiboldan bolsyn, basqasy bolsyn bır sätte chempion boldy dep maqtanyp, elımızdı tanyltty degen taza daraqylyq. Al tanyltty delık. Ary qarai ne boldy? Sondaǧysy auyldyŋ balalary, jastardyŋ köbısı bazarlarda arba iterıp, taksist bolyp, dükenderde, türlı käsıporyndarda küzetşı bolyp jür. Endı olardyŋ balalary da keiın osyndai boluy kerek pe?! Mıne, osyǧan jıtı nazar audaruymyz kerek", - deidı Ömır Şynybekūly.
Zarina ÄŞIRBEK,
"Adyrna" ūlttyq portaly
