«Shańyraq» balalar úıiniń túlekteri jergilikti turǵyn úı kezeginde turǵan halyqtyń ál-aýqatyn jaqsartý maqsatynda áleýmettik turǵyn úı qurylysyna Batys Qazaqstan oblysy ákimi Ǵalı Esqalıevten kómek kórsetýin surady, dep habarlaıdy “Adyrna” ulttyq portaly.
“Balalar úıinen shyqqandyqtan bizde turǵylyqty oryn joq. Bizge páter jaldap turý, onyń aqysyn tóleý qıynǵa soǵady. Al jaldamaly páterlerdi odan ári salý bıyl josparda joq eken. Onyń ornyna turǵyn úı jaldaý aqysyn sýbsıdııalaý tetigi tur”,- dedi “Shańyraq” balalar úıiniń túlegi.
Zań boıynsha, 2010 jyldan bastap halyqtyń áleýmettik osal toptaryna jatatyn, turǵyn úıge muqtajdar arasynan jetim jáne ata-anasynyń qamqorlyǵynsyz qalǵan balalar baspana kezegin kútýde. Alaıda, jyl saıyn kezekte turǵandar sany artyp keledi. Jalǵa beriletin turǵyn úı qurylysyn toqtatyp, ony jalǵa berýdi sýbsıdııalaý tetigimen aýystyrý kezekte turǵandardyń bolashaqta baspana alýǵa zańdy quqyǵyn buzýda.
Balalar úıiniń túlekteriniń aıtýynsha, jalǵa beriletin turǵyn úı qurylysyn toqtatý birqatar keleńsiz faktorlarǵa ákep soqtyrýy múmkin. Máselen, kommerııalyq turǵyn úı qunynyń odan ári qymbattaýy. Ol qymbattasa balalar úshin múlde turǵyn úı qoljetimsiz bolmaq.
“Turǵyn úıdi sýbsıdııalaýdy «ýaqytsha» shara dep esepteımiz. Bul rette azamattardy turaqty áleýmettik baspanamen qamtamasyz etý máselesi sheshilmeıdi.
Qurmetti ákim myrza, jalǵa beriletin áleýmettik turǵyn úı qurylysyn qalpyna keltirýge yqpal etýińizdi suraımyz! Bizdiń ata-anamyz, týǵan-týystarymyz ben jaqyndarymyz joq. Siz jalǵyz qoldaýshymyzsyz! Bar úmitimiz sizde! “,- dep ákimnen kómek surady.
“Adyrna” ulttyq portaly
