Symbat Töretaev Jaŋaözen qalasynyŋ äkımı bolyp taǧaiyndaldy, dep habarlaidy "Adyrna" tılşısı.
Tiıstı ökımge Maŋǧystau oblysynyŋ äkımı Nūrdäulet Qilybai qol qoidy.
Būǧan deiın Symbat Töretaev Qaraqiia audanynyŋ äkımı qyzmetın atqarǧan. Ol būl lauazymǧa 2023 jylǧy 19 mamyrda taǧaiyndalǧan.
Symbat Töretaev 1978 jylǧy 27 qaŋtarda Maŋǧystau oblysynyŋ Jetıbai auylynda düniege kelgen. Ş. Esenov atyndaǧy Aqtau universitetın «Ekonomika jäne menedjment» mamandyǧy boiynşa, Almaty menedjment universitetın «Iskerlık äkımşılendıru» mamandyǧy boiynşa tämamdaǧan.
Eŋbek jolyn 2000 jyly Maŋǧystau oblysynyŋ ışkı ıster organdarynda bastaǧan. Jedel uäkıl jäne asa maŋyzdy ıster jönındegı aǧa jedel uäkıl qyzmetterın atqarǧan.
2006–2010 jyldary kommersiialyq qūrylymdarda basşylyq qyzmetterde jūmys ıstegen. 2010–2014 jyldary Qaraqiia audany Mūnaişy auylynyŋ äkımı boldy. 2015–2019 jyldary Maŋǧystau oblysy äkımı apparatynyŋ qūqyq qorǧau organdarymen jūmys jäne terrorizmge qarsy ıs-qimyl bölımın basqardy. 2019 jylǧy qyrküiekten 2023 jylǧy aqpanǧa deiın Qaraqiia audany äkımınıŋ orynbasary qyzmetın atqardy. 2023 jyldan berı Qaraqiia audanynyŋ äkımı boldy.
Jaŋaözen qalasynyŋ äkımı qyzmetın būǧan deiın Janseit Qainarbaev atqarǧan.
