Soltústik Qazaqstan oblysynyń ákimi halyqqa úndeý jasady, dep habarlaıdy "Adyrna" tilshisi Stan.kz-ke siltep.
Ǵaýez Nurmuhambettiń aıtýynsha aımaqtaǵy ahýal áli de kúrdeli.
“Óńirde sý tasqyny jaǵdaıy kúrdeli. Oblys ortalyǵyna úlken sý kele jatyr. Birinshi kezekte erigen sýdy eldimekenderge jetkizbeı burýǵa tyrysyp jatyr. Qazir Esil ózenimen úlken sý kele jatyr.
Sergeev sý qoımasynda tolyp ketýdiń absolıýt rekordy – 4 metr 25 santımetr tirkelgeni anyqtaldy.
"Úlken sý Esil ózeni boıyndaǵy eldimekenderge qaýip tóndiredi. Shamamen bir-eki kúnnen keıin sý oblys ortalyǵyna jetedi. Prıbrejnoe jáne Teplıchnoe aýyldaryn, Zarechnyı kentin sý basý qaýpi tónip tur. Petropavlǵa qaraı úlken sý aǵyny kele jatyr. Taǵy da qaıtalap aıtamyn, úlken! Premer-mınıstrdiń birinshi orynbasary Roman Vasılevıch Sklıardyń tapsyrmasy boıynsha úıleri sý basý aımaǵynda ornalasqan Zarechnyı kentiniń turǵyndaryn evakýaııalap jatyrmyz. Turǵyndardan túsinistikpen qaraýdy jáne sý tasqyny kezeńindegi talaptarǵa beı-jaı bolmaýdy suraımyn", – dedi ákim.
Odan bólek oblys ákimi qıyndyqta kómek qolyn sozǵandarǵa alǵys aıtty.
"Bıylǵy sý tasqyny bárimiz úshin úlken synaq bolyp otyr. Birliktiń arqasynda biz barlyq qıyndyqty jeńemiz. Qazir úlken sýmen kúreske úsh myńnan astam adam jumyldyryldy. Olar – merdiger uıymdar, qurylys kompanııalary, kásipkerler, memlekettik qyzmetkerler, qutqarýshylar, kommýnaldyq qyzmetter, polıeıler, eriktiler jáne bizdiń qala men aýdandardyń qarapaıym turǵyndary. Kómekke basqa aımaqtardan qutqarý qyzmetteri, ulttyq ulan men qorǵanys mınıstrliginiń qyzmetkerleri keldi. Men osy qıyn kezeńdegi kómegi úshin barlyǵyna rızamyn. Adamı turǵyda alǵys aıtamyn.
Alda úlken synaq kútip tur. Eń bastysy – sabyrly bolý jáne bir-birimizge kómektesý. Sý tasqyny aýqymyn elemeýge bolmaıdy. Jaqyndaryńyzdy oılańyz. Eger sizdiń úıińiz nemese saıajaıyńyz sý basý aımaǵynda bolsa, qaýipsiz jerge kóshińiz. Adam ómirinen qymbat eshteńe joq. Saq bolyńyz. Biz bárimiz jaqsydan úmittimiz, biraq eń nashar jaǵdaıǵa daıyn bolý kerekpiz. Turǵyndarymyzdyń qaýipsizdigin qamtamasyz etý jáne sý tasqynynyń saldaryn barynsha azaıtý úshin bar kúshimizdi salamyz. Barlyǵymyzǵa shydam pen sáttilik tileımiz", – dedi Ǵaýez Nurmuhambet.
