Jaqynda Almatyda "ADYRNA" ulttyq etnografııalyq birlestigi "Alash arystary jáne Asharshylyq" atty úlken ǵylymı konferenııa ótkizgen bolatyn.
Sonda sóz alyp, bes tezıs aıtqan bolatynmyn.
- Asharshylyq, Ulttyq Apat, Zulmat taqyryby máńgi taqyryp. Bul taqyryp qaıtken kúnde de kún taqyrybynan túspeıdi. Jany qazaq, júregi qazaq, rýhy qazaq bul taqyrypty eshqashan umytpaq emes.
- Tarıhshy, arhıvshi ǵalymdar aldaǵy ýaqytta Zulmatta kóz jumǵan qazaq sany týraly ortaq mámilege kelýi shart. Bul ujymdyq kelisim - ulttyq kelisim men birigýdiń sharty. Bul kelisim ortaq muratshyldyq pen saıası áreketterdiń basy bolmaq.
- Zulmattyń máselesin qazaq qoǵamy genoıd dep taný týraly másele kótergen bolatyn. Búginde Jańa Qazaqstan Forýmy osy máseleni óziniń alǵashqy máseleleriniń biri, tarıhı ádilettilik pen rýhanı-saıası tuǵyrlyq mańyzy bar másele retinde kóterip otyr. Abzaly jany men rýhy qazaq barsha uıymdar óz dárejesinde Zulmatty qazaqqa jasalǵan qasaqana genoıd dep tanýy mindet. Bul másele tarıhshylar men zııaly qaýym taqyryby aıasynan shyǵyp, ulttyń saıası kún tártibine enip, keshegi ımperııamen quıryq úzisip, ajyrasýdyń alǵysharty bolýy tıis.
- Eger qazaq qoǵamy bul máseleni tý etse, bılik eshqaıda qasha almaıdy. Ózi úshin paıdalanyp, iske asyrady.
Bizder bul taqyrypty álemge moıyndatamyz. Jaqynda máseleni Eýropada kóterdik. Endi AQSh-ta da aıtamyz. Túbi álem qazaqpen birge ıyq tiresip, Zulmatty - genoıd, kommýnızm-stalınızmdi - qylmystyq ıdeologııa dep tanıtyn bolady.
- Bul taqyryp bizge bireýden kek alý úshin kerek emes. Bul bizdiń ult, qoǵam retindegi uıysyp, birigýimizdiń nyshany. Bul bizdiń urpaqtyq, adamı, adamgershilik boryshymyz. Ekinshi dúnıejúzilik soǵysta, Zulmatta kóz jumǵan árbir qazaqty aıtpaı, túgendemeı, jerlemeı biz ońǵan el bola almaımyz. Olar tynyshtyq tappaı Qazaqstanda soǵys ta, asharshylyq ta aıaqtalǵan joq. Óli rıza bolmaı, tiri baıymaıdy.
