22 maýsymda Kókshetaý qalasynda «Jastarǵa múmkindik!» taqyrybyndaǵy ppikirtalas ótti.
Is-sharanyń maqsaty kóteriletin máseleler arqyly jastardy bolashaq ómirlik josparlaryna yntalandyrý jáne shyǵarmashylyq áleýetti damytý.
Pikirtalas spıkeri «Vorota lıýks» kompanııasynyń dırektory Erjan Baıgenjın jastarǵa óziniń jetistikkke jetý jolyn aıtyp, búgingi tańda bıznes ashýdaǵy basty qajet qaǵıdalarmen bólisti.
«Bıznes – úlken jaýapkershilik, qajyrly eńbek, taýsylmas tózimdi qajet etedi. Jetistikke jetem deseńiz - eń mańyzdysy bastaý. Sebebi kez kelgen isti bastaǵan bolsań ony aıaǵyna deıin, beligili bir deńgeıge jetkizgenge deıin adamda qulshynys, talpynys syndy sezimder týady. Kóbine qazirgi adamdar bir isti bastaýdan qorqady. Men olarǵa aıtar edim, eń bastysy – qoryqpaý, táýekel etý. Qalǵany ret-retimen bolady» dep bólisti ol.
Pikirtalas barysynda Kókshetaý qalasy kásipkerler palatasy jáne Jumyspen qamtý ortalyǵynyń qyzmetkerleri kelip óz keńesterimen bólisti. Olar jiger izdegen jastarǵa, qazirgi tańda qandaı jeńildikter, ıdeıasy bar jastarǵa qandaı múmkindikter bar ekenin aıtyp túsindirdi.
«Bolar balanyń betin qaqpa, belin bý degen. Sol sebepti osy pikirtalasqa ósemin, ónemin, degen jastardyń jınalyp biz sııaqty jetistikke óz kúshimen jetken jandardyń aqyl keńesin alyp, belgili bir nátıjege jetken bolsa bizge odan asqan qýany, budan asqan baqyt joq!» dep qosty Erjan myrza.
Sonymen qatar, pikirtalas barysynda Kókshe jastary kókeılerin mazalaǵan saýaldaryn qoıyp, el aǵalarynan jaýap aldy. Bolashaǵymdy óz kúshimmen quramyn degen senimmen kelgen jastar, jańa serpin alyp, keleshekterine kemel keńes bolatyn derekter alyp ketkenine senimdimiz.
