Áleýmettanýshy Qurmantaı Sherhan "Qoǵamdaǵy jumyssyz jastardyń orny" taqyrybynda áleýmettik keńes ári motıvaııalyq onlaın-trenıng ótti. Áleýmettaný mamandyǵyn bitirgen jas maman, búgingi tańdaǵy mańyzdy taqyryptardy qozǵap, jalyndy sózderimen jastarǵa jiger syılady.
Atalǵan is-shara QR Aqparat jáne qoǵamdyq damý mınıstrligi men Azamattyq bastamalardy qoldaý ortalyǵynyń tapsyry aıasynda, "Adyrna" jáne "Aq tilek" qoǵamdyq qorynyń seriktestiginiń uıymdastyrýymen ótti. Sharaǵa jumyssyz jastar, bitirýshi stýdentter qatysty.
Is-sharanyń maqsaty - kóteriletin máseleler arqyly jastardy bolashaq ómirlik josparlaryna yntalandyrý jáne shyǵarmashylyq áleýetti damytý.
Kún tártibinde jastardyń jumys jáne oqýǵa kelgende belsendilik tanytpaý sebepterin anyqtaý, jastarǵa kómek berý jáne kásibı baǵdarlaý túrleri, eńbek naryǵyndaǵy qajetti mamandyqtar, jastardy kásipkerlik qyzmetke oqytý, jastarynyń qordalanǵan máseleleri týraly kezdesý boldy.
Kezdesý barysynda búgingi kúni eńbek naryǵyndaǵy qajetti mamandyq dızaın salasy jáne qaı salany belsendi damytý kerek, jastardy kásipkerlik qyzmetke oqytý, kásipkerdiń qajetti daǵdylary, jastarǵa berilgen múmkindik pen sony qalaı durys paıdalaný kerektigi jaıynda sóz boldy.
