Aqtóbe qalasy, Jastar resýrstyq ortalyǵynda «Jastarǵa múmkindik!» taqyrybynda kezdesý ótti.
Is-shara QR Aqparat jáne qoǵamdyq damý mınıstrligi men «Azamattyq bastamalardy qoldaý ortalyǵynyń» qoldaýymen «Adyrna» UEB» QQ «Jastardy áleýmettendirý jáne ońaltý» jobasy aıasynda ótti.
Is-sharanyń maqsaty kóteriletin máseleler arqyly jastardy bolashaq ómirlik josparlaryna yntalandyrý jáne shyǵarmashylyq áleýetti damytý.
Kún tártibinde jastardyń jumys jáne oqýǵa kelgende belsendilik tanytpaý sebepterin anyqtaý, jastarǵa kómek berý jáne kásibı baǵdarlaý túrleri, eńbek naryǵyndaǵy qajetti mamandyqtar, jastardy kásipkerlik qyzmetke oqytý, jastarynyń qordalanǵan máseleleri týraly kezdesý boldy.
Kezdesýge Aqtóbe qalasy ákiminiń orynbasary Aıbek Kópenov qatysty. Ol jınalǵan jastarǵa:
«Keleshektiń kemeldigi búgingi jas urpaqtyń talpynysyna, yntasyna, aldyǵa qoıǵan arman-maqsatyna, oǵan umtylýyna baılanysty. Memleket basshysy jastardyń bilim alýyna, alǵa umtylýyna qashan da jaǵdaı jasap túrli baǵdarlamalar, jobalar uıymdastyryp otyrady. Mine, sol múmkindikti paıdalanǵan abzal. Aqtóbelik jastardyń arasynda jetistikke umtylǵan jastar sany qanshama. Mine osy jas býynnyń búgin qanat qaǵyp, dittegen oılaryna jetýge qadam jasatıyn kezderi kelgen syńaıly» dedi atalǵan sharanyń mańyzdylyǵy jaıly sóz qozǵap.
Sonymen qatar sharaǵa Aqtóbe qalalyq máslıhatynyń hatshysy Anar Nurlybekqyzy qatysyp búgingi jastar arasynda qordalanǵan máseleler jaıly sóz qozǵady:
«Jastardyń bos júrýi, jumyssyz bolýy qoǵam dertine aınaldy. Nege desek, búginde daıynǵa kóp júgiretin, eńbek etkisi kelmeıtin jas býynnyń deni jasóspirimder. Iaǵnı, sol shaqtan bastap olardyń ómirge degen talpynysy men maqsat-múddesin ashyq anyqtap, qoldaýǵa myna biz ata-analar jastaıynan at salysýymyz qajet dep bilemin»,- dedi ol.
Onymen qosa, kezdesý barysynda búgingi kúni eńbek naryǵyndaǵy qajetti mamandyqtar jáne qaı salany belsendi damytý kerek, jastardy kásipkerlik qyzmetke oqytý, kásipkerdiń qajetti daǵdylary, jastarǵa berilgen múmkindik pen sony qalaı durys paıdalaný kerektigi jaıynda Atameken kásipkerlik palatasynyń ókili Dınara Baıanovna men Jumyspen qamtý ortalyǵynyń qyzmetkerleri qatysyp, jastardyń qoıǵan saýalǵa jaýap berdi.
Jınalǵan qatysýshylar óz kásibin qalaı ashýǵa bolatynyn, bastamaǵa memleket tarapynan qandaı qoldaý kórsetiletindigi jaıly saýaldar qoıyp, ókiletti organ ókilderinen jaýap aldy.
Is-sharaǵa «CompasTelecom» kompanııasynyń quryltaıshysy Ánýar Tólepbaı da qatysty. Beleń alǵan másele týraly ol:
«NEET jastarymen jumys neshinshi jyldan beri júıeli túrde jasalyp keledi. Ol árıne barshamyzdy qýantady. Sebebi qulyqsyz, jumyssyz jastardyń qoǵamnan azaıýy arqyly elimizge óz paıdasyn tıgizetin, keleshekte jaqsy jaǵynan ózin kóresete biletin jastardyń bolǵany abzal. Olar óz isterin bastap, oıǵa alǵan bastamalaryn ashyp, qoǵamǵa paıdasyn tıgizse odan asqan baqyt joq»,- dedi.
“Adyrna” ulttyq portaly
