Aqtöbe qalasy, Jastar resurstyq ortalyǧynda «Jastarǧa mümkındık!» taqyrybynda kezdesu öttı.
Is-şara QR Aqparat jäne qoǧamdyq damu ministrlıgı men «Azamattyq bastamalardy qoldau ortalyǧynyŋ» qoldauymen «Adyrna» ŪEB» QQ «Jastardy äleumettendıru jäne oŋaltu» jobasy aiasynda öttı.
Is-şaranyŋ maqsaty köterıletın mäseleler arqyly jastardy bolaşaq ömırlık josparlaryna yntalandyru jäne şyǧarmaşylyq äleuettı damytu.
Kün tärtıbınde jastardyŋ jūmys jäne oquǧa kelgende belsendılık tanytpau sebepterın anyqtau, jastarǧa kömek beru jäne käsıbi baǧdarlau türlerı, eŋbek naryǧyndaǧy qajettı mamandyqtar, jastardy käsıpkerlık qyzmetke oqytu, jastarynyŋ qordalanǧan mäselelerı turaly kezdesu boldy.
Kezdesuge Aqtöbe qalasy äkımınıŋ orynbasary Aibek Köpenov qatysty. Ol jinalǧan jastarǧa:
«Keleşektıŋ kemeldıgı bügıngı jas ūrpaqtyŋ talpynysyna, yntasyna, aldyǧa qoiǧan arman-maqsatyna, oǧan ūmtyluyna bailanysty. Memleket basşysy jastardyŋ bılım aluyna, alǧa ūmtyluyna qaşan da jaǧdai jasap türlı baǧdarlamalar, jobalar ūiymdastyryp otyrady. Mıne, sol mümkındıktı paidalanǧan abzal. Aqtöbelık jastardyŋ arasynda jetıstıkke ūmtylǧan jastar sany qanşama. Mıne osy jas buynnyŋ bügın qanat qaǧyp, dıttegen oilaryna jetuge qadam jasatiyn kezderı kelgen syŋaily» dedı atalǧan şaranyŋ maŋyzdylyǧy jaily söz qozǧap.
Sonymen qatar şaraǧa Aqtöbe qalalyq mäslihatynyŋ hatşysy Anar Nūrlybekqyzy qatysyp bügıngı jastar arasynda qordalanǧan mäseleler jaily söz qozǧady:
«Jastardyŋ bos jüruı, jūmyssyz boluy qoǧam dertıne ainaldy. Nege desek, bügınde daiynǧa köp jügıretın, eŋbek etkısı kelmeitın jas buynnyŋ denı jasöspırımder. Iаǧni, sol şaqtan bastap olardyŋ ömırge degen talpynysy men maqsat-müddesın aşyq anyqtap, qoldauǧa myna bız ata-analar jastaiynan at salysuymyz qajet dep bılemın»,- dedı ol.
Onymen qosa, kezdesu barysynda bügıngı künı eŋbek naryǧyndaǧy qajettı mamandyqtar jäne qai salany belsendı damytu kerek, jastardy käsıpkerlık qyzmetke oqytu, käsıpkerdıŋ qajettı daǧdylary, jastarǧa berılgen mümkındık pen sony qalai dūrys paidalanu kerektıgı jaiynda Atameken käsıpkerlık palatasynyŋ ökılı Dinara Baianovna men Jūmyspen qamtu ortalyǧynyŋ qyzmetkerlerı qatysyp, jastardyŋ qoiǧan saualǧa jauap berdı.
Jinalǧan qatysuşylar öz käsıbın qalai aşuǧa bolatynyn, bastamaǧa memleket tarapynan qandai qoldau körsetıletındıgı jaily saualdar qoiyp, ökılettı organ ökılderınen jauap aldy.
Is-şaraǧa «CompasTelecom» kompaniiasynyŋ qūryltaişysy Änuar Tölepbai da qatysty. Beleŋ alǧan mäsele turaly ol:
«NEET jastarymen jūmys neşınşı jyldan berı jüielı türde jasalyp keledı. Ol ärine barşamyzdy quantady. Sebebı qūlyqsyz, jūmyssyz jastardyŋ qoǧamnan azaiuy arqyly elımızge öz paidasyn tigızetın, keleşekte jaqsy jaǧynan özın köresete bıletın jastardyŋ bolǧany abzal. Olar öz ısterın bastap, oiǧa alǧan bastamalaryn aşyp, qoǧamǧa paidasyn tigızse odan asqan baqyt joq»,- dedı.
“Adyrna” ūlttyq portaly
