Búgin Aqtaý qalasynda «QazMunaıGaz» UK AQ ókildigi óz jumysyn bastady. Saltanatty sharaǵa QMG Basqarma tóraǵasy Maǵzum Myrzaǵalıev qatysty. Ókildiktiń ofısi ulttyq kompanııanyń enshiles kásiporny - «Qazaqteńizkólikfloty» UTKQK» JShS ǵımaratynda ornalasqan.
Mańǵystaý oblysynyń ortalyǵyndaǵy qyzmettik ofıs batys óńirinde jumys isteıtin kompanııalarǵa túrli baǵytta qyzmet kórsetýdi kózdeıdi. Olardyń qatarynda ortalyq memlekettik organdarmen, jergilikti bılikpen, «QazMunaıGaz» kompanııasynyń enshiles jáne merdigerlerik uıymdarynyń kásipodaqtarymen birlese áreket etý, óndiristik baǵdarlamalardyń, josparlanǵan kórsetkishterdiń oryndalý barysy men ken oryndaryn ıgerý isin baqylaý bar. Sonymen qatar, ataýly ókildik turǵyndardy jumyspen qamtý boıynsha sharalardy, enshiles uıymdardaǵy eńbekaqy tóleýdiń biryńǵaı júıesi men kadr máselelerin úılestiredi. Jeke jáne zańdy tulǵalar enshiles uıymdardyń qyzmetine qatysty ótinishterin, usynys-tilekterin de osy ókildikke tapsyra alady.
Ókildiktiń ashylýynda sóz alǵan «QazMunaıGaz» UK Basqarma tóraǵasy Maǵzum Myrzaǵalıev jańa ortalyqtyń aldynda mańyzdy mindetter turǵanynan atap ótti.
«Biz Mańǵystaý oblysynda óńir turǵyndarynyń áleýmettik ál-aýqatyn jaqsartý baǵytynda birqatar bastamany iske asyryp jatyrmyz. Munaı men gaz qorlaryn ulǵaıtý jáne óndirý boıynsha ınvestıııalyq jobalar qolǵa alyndy. Demek, Aqtaýda ashylǵan ókildikke júktelgen mindet zor. Oǵan qosa, kompanııanyń top-menedjmenti men mamandarynyń dál osy jerde jumys isteýi óndiristik jáne áleýmettik máselelerdi jedel ári barynsha tıimdi sheshýge múmkindik beredi», - dep atap ótti M.Myrzaǵalıev.
Aqtaý ókildigin QMG Basqarma tóraǵasynyń barlaý jáne óndirý jónindegi orynbasary Qurmanǵazy Esqazıev basqaratyn bolady.
Aıta keteıik, búginde Mańǵystaý oblysynda «QazMunaıGaz» Ulttyq kompanııasyna qarasty 18 kásiporynda 32,5 myńnan astam adam eńbek etedi. Al kompanııanyń aımaqta munaı óndirýdegi úlesi 43 paıyzdy quraıdy.
Sonymen qatar Maǵzum Maratuly Mańǵystaý oblysyna jumys sapary barysynda taıaý kúnderi tehnıkalyq rejımde iske qosylatyn Qarajanbas ken ornyndaǵy sýdy tuylandyrý zaýytyna bardy. Munda munaımen birge óndiriletin qabattyq sý tuytylady. Sol arqyly «Qarajanbasmunaı» AQ óndiriske jáne turmysqa qajetti sýmen ózin tolyq qamtamasyz etetin bolady. Bul óz kezeginde Astrahan - Mańǵyshlaq magıstraldyq sý qubyrynan alatyn sýdy óńir turǵyndarynyń ıgiligine baǵyttaýǵa jaǵdaı jasaıdy.
«Oblys turǵyndaryn taza aýyzsýmen qamtýdy kózdeıtin jobalar Memleket basshysy Qasym-Jomart Toqaevtyń erekshe baqylaýynda. Osy oraıda qoıylǵan mindetterdi oryndaý jaýapkershiliginiń bir bóligi «QazMunaıGaz» kompanııasyna júktelgenin atap ótý kerek. Osy maqsatta kompanııa Kendirli kentinde teńiz sýyn tuytý zaýytyn salýdy jáne Astrahan - Mańǵyshlaq sý tartý qubyryn jańǵyrtýdan ótkizip, keńeıtýdi josparlap otyr», - dedi Basqarma tóraǵasy.
Maǵzum Myrzaǵalıev «Ózenmunaıgaz», «QazGÓZ» jáne «Mańǵystaýmunaıgaz» kásiporyndarynyń óndiristik nysandaryn da aralady. Enshiles kásiporyndardyń basshylary Mańǵystaý oblysyn áleýmettik-ekonomıkalyq damytýdyń 2021-2025 jyldarǵa arnalǵan keshendi jospary aıasynda «QazMunaıGaz» kompanııasy atqaratyn áleýmettik jobalar men sharalardyń qazirgi barysy týraly baıandady.
Bul jospar aıasynda QMG-nyń qatysýymen óńirde jalpy somasy 425 mlrd teńge bolatyn 22 joba men shara júzege aspaq. Olardyń arasynda kásiporyndar toby men olardyń merdiger uıymdarynda áleýmettik turaqtylyqty saqtaý, ınvestıııalyq jobalardy iske asyrý, jańa jumys oryndaryn qurý jáne áleýmettik jobalardy qarjylandyrý sharalary bar.
