Sharyqtaı ber, Shymqalam!

1003

Osyndaı ıgi tilekpen shymkenttikter qala kúnin toılady. Mereke qarsańynda 20-dan asa mańyzdy is-shara uıymdastyrylyp, keshe Ál-Farabı alańynda respýblıkaǵa tanymal ónerpazdardyń qatysýymen qorytyndy gala-konert ótti.

Bul mereke burynǵydan ózgerek. Sebebi, pandemııadan soń alǵash ret keń kólemde dúbirli toı toılandy. Merekelik kóńil-kúı men shattyq lebi Shymkent qalasynyń ákimi M.Áıtenovtiń quttyqtaý sózinen de sezildi.

— Shymkent respýblıkalyq qala statýsyn alǵan 4 jyl ishinde turǵyndar sany 12 paıyzǵa, óndiris kólemi 6 ese artyp, megapolıs bıýdjeti 4 esege deıin ulǵaıdy. Shaharymyz ınvestıııa tartý boıynsha respýblıkada kóshbasshy qalaǵa aınaldy. 2200 jyldan astam tarıhy bar shahar 4 jyl jyl ishinde damı tústi. Fýtbolshylarymyz da qala kúnine syılyq jasap, «Ordabasy» klýby Ońtústik derbıinde «Taraz» komandasynan 3-2 esebimen basym tústi. Shymkent — jastardyń qalasy. Sharyqtaı ber, Shymkent! – dedi M.Dúısenbekuly quttyqtaý sózinde.

Qazaqstan estradasynyń juldyzdary alańǵa jınalǵan shymkenttikterge erekshe kóńil-kúı syılady. Kesh qonaqtary Zattybek Kópbosynuly, Medeý Arynbaev, Baýyrjan Isaev, Áıgerim Qalaýbaeva, Ǵazızhan Shekerbekov, «Jigitter» kvarteti, Qaırat Nurtas pen ózge de ónerpazdar qala kúnine qonaq kádesin usynyp, ánnen shashý shashty. Olardyń Shymkentke arnaǵan tilekteri kórermenderdi jigerlendirip, kesh kórkin qyzdyra tústi.

Saltanatty kesh sońy ot shashýǵa ulasyp, shymkenttikterdi erekshe kúıge bóledi.

Aıta keteıik, merekelik is-sharalar legi «Fan klýbtar» sherýinen bastaý alyp, Shymkent Nomad Film festıvalimen jalǵasqan bolatyn. Sonymen qatar, túrli sporttyq týrnırler uıymdastyrylyp, Qazaqstannyń úzdik taýar óndirýshileri, qolóner sheberleri men aýyl sharýashylyq ónimderiniń jármeńkesi ótti. Shymkentte Shámshi ánderi shyrqalyp, qala turǵyndary men týrıster Balmuzdaq Fest festıvalin tamashalady.

Pikirler
Redakııa tańdaýy