Qazaqstannyŋ Tūŋǧyş Prezidentı Nūrsūltan Nazarbaev elorda atauyn auystyruǧa qatysty pıkır bıldırdı, - dep habarlaidy "Adyrna" ūlttyq portaly Tengrinews.kz tılşısıne sılteme jasap.
"Prezident qyzmetınde bolǧanymda men būǧan ärqaşan qarsy bolyp, tübegeilı tyiym salǧanmyn. Täuelsızdıktıŋ är künı nemese menıŋ tuǧan künımde menıŋ atymdy köşege, mektepke bergısı kelgender boldy. Men tämamdaǧan Abai mektebın menıŋ atyma qalai auystyruǧa bolady? Būl sözsız qate ǧoi. Būǧan tyiym saldym. Mūny bılesızder. Kelısım bergenım - universitet atauy. Būl maŋyzdy, älemge qarasaŋyzdar, barlyq universitet sol oqu ornyn kım qalasa sonyŋ atymen atalady. İdeiasyn aityp, Nazarbaev universitetın qūrdym. Bırınşıden, sol jaqqa tartu üşın kelıstım, ekınşıden jastar oquǧa qyzyqsyn dedım. Men kelısım bergen jalǧyz nysan osy. Qate jasaǧan bolsam, aiyptymyn, moiyndaimyn", - dedı Nūrsūltan Nazarbaev "Ştrihi k portretu" derektı filmınıŋ üşınşı seriiasynda.
Nazarbaevtyŋ aituynşa, qalǧan nysandarǧa esımın beru onyŋ kelısımınsız bolǧan.
"Täuelsızdıktıŋ 25 jyldyǧyna orai Parlament qala atauyn özgertudı, Nūr-Sūltan dep atau turaly ūsynysyn jasady. Men eske salyp qoiaiyn, onyŋ atauy Akmolinsk nemese Aqmola bolǧan. Ony älemge tanystyrdyq, qonaqtardy şaqyrdyq. Qazaq tılınde Akmolinsk, Aqmola ärqalai, älde būl qate taldau siiaqty. Būdan arylu üşın Astana dep özgertu turaly oi paida boldy. Pekin de soltüstık astana degendı bıldıredı. Tokionyŋ da maǧynasy elorda. Astana - qazaq tılınde elorda, tavtologiia, bıraq halyqqa bırden sıŋıp kettı, älem qabyldady. Esterıŋızde bolsa, ūlyqtau räsımınde Qasym-Jomart Kemelūly Toqaev ūsynys jasady: osy qalany qūrǧan adamǧa, qūrylysyna ūiytqy bolǧan adamǧa Nūr-Astana nemese Nūr-Sūltan dep atauyn özgerteiık dep ūsynys jasady. Qalaǧa qarasam, sol jaǧalauda aşyq dalany köretınmın. Eşteŋe joq edı, qazır Ekspo tūrǧan jerde kartop egısı bolǧan, qyryqqabat ösırgen. Eşteŋe bolmady. Endı osyndai qalaǧa ainaldy, jūrtty täntı etedı, qazaqstandyqtardy quantady", - dedı ol.Alaida ol jetekşılerdı jäne qazaqstandyqtardy būǧan äuestenbeuge şaqyrdy. "Osy sūhbatty paidalana otyryp, jetekşılerdı, qazaqstandyqtardy äuestenbeuge şaqyramyn. Maǧan mūnyŋ qajetı joq. Kei jetekşıler menen keiın osyndai estelık qalady dep oilaidy. Men joq bolǧanda ne qalarynda qandai maŋyzy bar? Būl bır mäsele. Ekınşı mäsele - tırı kezıŋde eskertkış qoiu ūrpaq senı esınde saqtaitynyna senbeu. Sondyqtan ondaiǧa äuestenbeuge şaqyramyn. Kerısınşe, qazır bız qalalarǧa tarihi atauyn qaitaryp jatyrmyz. Būl älemdegı täjıribe. Vaşingtonǧa da tūŋǧyş prezident esımı berılgen, mūndai mysal köp. Men būl memlekettı basynan bastap qalaǧanym, menıŋşe, fakt", - dedı Elbasy.
Ūqsas jaŋalyqtar
