Shymkenttiń eks-ákiminiń aǵasy Marat Áıtenov 12 táýlikke qamaýǵa alyndy.
Bul týraly búgin Astananyń qylmystyq ister jónindegi mamandandyrylǵan soty úkim shyǵardy, dep haarlaıdy “Adyrna” ulttyq portaly.
«1978 jyly týǵan Marat Áıtenov qylmystyq kodekstiń “uryp-soǵý“ baby boıynsha qylmystyq quqyq buzýshylyqty jasaǵany úshin kináli dep tanylyp, 12 táýlikke qamaýǵa alý jazasy taǵaıyndalsyn», — delingen sot úkiminde.
A. sot sheshiminiń negizinde sot oryndaýshylarynyń talabyna saı kóshirý barysynda D.-ǵa, ıaǵnı burynǵy jubaıyna qatysty qasaqana zorlyq-zombylyq áreketterin jasap, keltirilgen dene jaraqattary saldarynan eks jubaıynyń denesi kógerip, qantalaǵan bolatyn.
Sottalýshynyń kinási oqıǵa ornynda túsirilgen beıne jazba sondaı-aq sot-medıınalyq saraptamanyń qorytyndysyna ári istiń basqa da materıaldarymen dáleldendi.
Sot aktisi zańdy kúshine engen joq.
Eske sala ketsek, buǵan deıin Dana Áteshova 12 shilde kúni burynǵy kúıeýi men onyń adamdary tártip saqshylarymen ózin úıden kúshtep, qýyp shyqpaq bolǵanyn týraly málimdedi. Áteshova burynǵy kúıeýi Marat Áıtenovtiń ústinen birneshe ret shaǵymdanǵan.
